مرحبا باختي العزيزه .. أسعد الله صباحكـ بكل خير ومسرات .. ماشاء الله عليك والله يوفقكـ يآرب

أنصحكـ أن لاتكثري من طاولات البلياردو والتنس كبداية لما تتبين عندكـ الرؤيا وعدد الأقبال من زبائن المحل ... يعني مثلا ابدأي بـ 4 طاولات بلياردو مع انهن كثار بس معليش كبداية ... وخلي طاولتين مجهزات فلوسهن متى ماشفتي على البلياردو زحمة وأقبال بامكانكـ توفيرها بنفس اليوم ... كذا طبقي القاعده على طاولة التنس ...
طبعا ماتكفي البلياردو لوحدها لابد من اجهزت بلايستيشن على الاقل ثلاث اجهزة من نوع بلايستيشن ثري كبدايه .. البلايستشن ثري سعرها الحالي 1650 ريال مع يدتين وايرلس وكل بلايستشن حطي معه شاشة تلفزيون lcd على الاقل 32 بوصه من نوع kmc مناسب جدا سعره الحالي 1350 ريال توني اليوم شريت اثنين منه ولم اجرب لكن حكمت عليه انه كان سعره قبل ثلاث شهور مايقارب 2550 ريال اكيد انه مناسب سعره الحالي ..

فالاقبال الاكبر على البلايستشين كمرتبه اولى ويليها البلياردو والتنس .... انصحكـ ان تبدأ بأقل الأعداد كبداية .. وأن تكوني على أستعداد على توفير الأعداد الاخرى من طاولات بلياردو او بلايستشين .. وتوفير المكان المناسب لها ..

والأهم العامل اللي يدير العمل هذا كله لازم يصير بشوش متعاون طيب ... وان تكون الأسعار مناسبه ومماثله لغيرها من صالات رياضيه بنفس المدينه اللي انتي فيها ..

افضل العماله عندي الفلبيني بالمرتبه الاولى ...

انا لم احصل فلبيني جاهز بصراحه أفكر ... بيماني بشرط يكون مسكين على قد حاله اكبر همه الراتب وان يكون بشوش وطيب الزبائن يحبون المحل اللي صاحبه متواضع ويعيدوا الزياره ..

ولاتنسي ثلاجات الببسي والبايسون والبيره هيلستون وبربيكان وغيرها ... وياحبذا لو كان هناكـ تجهيز لانواع القهوة الساخنه .. بس انتي ابدأي حبه حبه ..

انا عندي كلام كثير بس والله مابي اطيل عليكم اذا فاهمه علي وماشيه مع افكاري ... ان شاء الله سوف اعاود الزيارة مره ثانيه لهذا الموضوع وادلاء بما املكـ وذلكـ لوجه الله ...