ألف ألف مبروك ، وهلله هلله عاد لا أوصيك في بناتننا تكفين كل شي والتعالي دخيلك شوي شوي عليهنّ
عـاد سالفة المقابلات الشخصية ساااالفه وماعمري دخلت مقابلة شخصية لوظيفة معيـد أو للترشيح للدراسات العليا إلا وتمنيت إني أكون محل إللي يسأل .. وأوريه التعقيـد .. بس بالأخير اكتشفت إن المسألة ماهي تعقيـد بقدر ماهم يلاحظون السلوك ويقرأون الأفكـــــار .. مابي أطوّل

ونعيد ونكرر ونهنّيك وإن شاء الله تكوني عنـد حسن الظنّ
ثانيا مسألة القبول في الجامعات .. أنصحك تختاري جامعة في أمريكا لأن الماستر بالذات مفضل يكون من أمريكا

طبعا زي ماتعرفين أمريكا 51 ولاية .. وكل ولاية فيها مالا يقلّ عن 5 مـدن كبرى .
فبالتالي مسألة الاختيار راح تشششششيب شعر راسك ، بس على حسب خبرتي البسيطة إنك تبحثين بالأول عن المنطقة اللي ترتاحين لها من ناحية الجـوّ والمعيشة والمواصلات ... إلخ
ومن ثمّ تختارين المعهـد الجيّد الذي يتبع للجامعة ( ما أدري إذا نظام الماستر للإنقلش يعطونهم أو لا ) وهي على ماعتقد لكل معيـد ستة أشهر كحـد أقصى .
وبالأخير الجامعة واختيار البرفسور المناسب

طبعاً يُفضّل للبعـد عن وجـع الرأس والدوشة كل أبوها إنـك تتواصلين مع الدكاترة والمحاضرين في كل الجامعات وتطلبين نصائحـم والأفضل

والله يوفقك في الدنيــا والآخرة

وزي ماعرضتِ خدماتك على الكل .. أنا بعـد تحت أمرك في أي استفسار بخصوص الماستر .. وإن شاء الله أقدر أفيـدك


والناس للناس والكل بالله