الكلام هذا له اكثر من خمس سنوات والان أعاني من الام في الظهر بسبب السيرلانكي حسبي الله عليه الي خلاني انزل شاحنات لحالي وانا كنت غبي اريد اثبت نفسي وانزلها لحالي من غير ما ارفض

ـــــــــــــــــــــــــــــــ
أنا مثلك بس في اختلاف في المهنه والمهام والمكان ولكن بنت مديرتي تحب المسيحين تموت فيهم شكيت إن فيه سعودية مسيحية بس تستحي تعلنها لأن الديانة وناسها اللي معجبه فيهم ما حد يتشرف يمشي فيه موريتني الويلات هي وأمها حسبي الله ونعم الوكيل دعيت ربي إن أشوف حيلهم بينهم ويجعل كيدهم في نحرهم . لأنهم تآمروا علي وقدمت استقالتي بسبب ما يبون يعرفون من الغلطان بس أعتذر وهم عارفين من الغلطان علشان كذا رفضت الطلب لأني ما غلطت (( وأعتذر ليش للي غلط علي )) وصكوني 4×1 انذارات في انذار واحد عيوب بنت المديرة حطوه فيني حسبي الله عليهم والحمد لله وصلني خبرهم المتآمرين علي صاروا يكرهون بعضهم البعض . وأنا أخلاقي عال العال محافظه على صلواتي ومحافظه على قراءة قراءان الفجر والأذكار أقولها في الدوام لأني أحضر مبكر ما فيه أحد أستغله بأذكار . حسبي الله ونعم الوكيل على الظالمين .

حالياً عاطله بإنتظار الفرج والله يفرجها على الجميع آمين .
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
إذا عندك تأمين صحي من عملك راجع بأفضل مستشفى ولازم تراجع دكتور العظام وأشعة للظهر بعد كذا إذا قال لك (( سليم الظهر ما عندك مشكله مثل العادة للجميع تقال لهم هذي العبارة )) راجع قسم العلاج الطبيعي .

وإسأل الدكتور الصيدلي عن أدوية مقوية للعظام مثل كبسولات الثوم من دون ريحة ومراهم واشرب من حلبه مثل طريقة الشاهي فيه حلبه من دون ريحة اسمها حلبه باكستانية .

قصتك توجع القلب مجهودك راح على الفاضي والحمد لله ربي عوضك على ما فات وصبرك طلع بنتيجه الله يعطيك العافية ويوفقك وجعل من أرادك والمسلمين بسؤ أن يجعل تدبيرهـم في تدميرهـم آمين ويعز الإسلام والمسلمين ويذل أعدائهم إلى يوم الدين .