السلام عليكم ورحمة الله وبركاته..
أخوي أبومحمد كيف يعني مقابلة شخصية تانية؟؟
بقولك شي لانه صار معي موقف منهم..
أنا عملت المقابلة قبل رمضان (سكرتارية طبية)
ووحدة ماشاءالله مدري مين مكلف عليها تدق من جوالها غصب (رنة وتقفل) وطبعا طول اليوم مانتبهت للاتصال إلا بعد المغرب(الكلام هدا قبل أسبوع)
المهم رجعت دقيت وقالت أنا من مدينة الملك عبدالله قالت دقي علي تاني يوم لانه مدري موعدك وجدولك متى..قلت خير وتاني يوم قبل 11 الصبح نفس الحركة (رنة وتقفل)
عصبت..دقيت قالت إنتي (فلانة)قلت إيوة قالت مقابلتك يوم كذاا ...قلت أي مقابلة أنا سويتها قبل رمضان ..قامت سألت إللي جنبها وقالت لها (فلانة ) سوت المقابلة ..قالت إيوة..
صح النوم ..قالت معليش يابنتي..قلت طيب وصرفتني بكلام يطيب الخاطر وجاوبتها بس مايحتاج أقول خليها مستورة,,
المهم ...أنا اللي أعرفه إن الفروض تكون فيه آليه معينة للإتصال وتنظيم مو كدا..!! لخبطها مالها داعي..
حاجة ترفع الضغط والله المستعان..

على فكرة حكاية الرنة دي انتبهوا منها ..عز الله ضيعت علينا الفرص لو ماانتبهنا لها..
أي رنة من أي رقم دقوا ..ونعم الطريقة آخر زمن والله
الله يوفق الجميع والحمدلله على كل حال..