المشاركة الأصلية كتبت بواسطة شنتر بن عداد

اخي الكريم

البيوت المحميه انواع .. فرنسي ووطني .. اذا ناوي تقترض عليها .. فالبنك الزراعي يشترط فرنسي حديد مجلفن .. واذا مالك نيه في الاقتراض ..خذلك وطني

ونصيحه .. لا تشتري من مؤسسة بيوت جاهزه راح تكون غالية جدا روح لحداد واتفق معه ووفر له المتطلبات انا راح احسبها لك الان :

حديد 2 بوصه 6 متر كل قوس حديدتين يعني تطلع 12 متر
البيت طول 40 في عرض 10 متر يحتاج الى 20 قوس
يعني المطلوب 40 حديده 2 بوصه
وهناك حديد 1 بوصه للربط بين الاقواس ولربط اسلاك التعليق
سعر الحديده 6 متر 2 بوصه تقريبا في حدود 35 ريال

خلصنا من الحديد
يبقى الغطاء ( المشمع ) هناك انواع وطني ومستورد انت اخذ الوطني جيد .. قيمة اللفه 450 ريال والبيت الواحد يحتاج لفتين يعني 900 ريال

باقي ليات التنقيط مع المحابس الصغيره تكلف البيت الواحد 300 ريال فقط

واسلاك التربيط وغيرها كماليات بسيطه

يعني تكلفه البيت الواحد مع شغل الحداد اذا انت شاطر راح تكلفك 4500 ريال كأقصى حد

والجاهز في المحلات يبيعونه بـ 8 الالف و 13 الف
سعر مبالغ فيه جدا

واي حداد راح يعملها لك بس انت دور لك حداد خبره

================
اما الزراعه
لاتزرع غير الخيار فقط .. لانه يتحمل الجو .. ولكن حساس شويه يبغاله عنايه خاصه .. وسعره ممتاز في السوق .. وينتج خلال 35 يوم ويستمر الانتاج 3 الى 4 اشهر

واذا عندك مساحه مكشوفه كبيره ازرعها كوسه وفاصوليا بعد