اقتباس:
المشاركة الأصلية كتبت بواسطة زيدان
والله ياخوي الأسطوره لو نستجمع " قوانا الذهنيه "
ونرجع لأصول المسأله ونفكر فيها ..
نلقى " الإهمال التربوي " من البدايه هو السبب ..
فالأب و الأم لو يعودون بنتهم على التسيّب بمعنى انه مايفكرون وش تلبس ؟
ويشوفون وتشوف هي ان عبايتها بهاالشكل عاديه ومنظرها العام مايشوفونه فاضح ،، يشوفونه نايس ورزّه ..
او يرسلونها مع سواق او ترافق من هب ودب من صديقاتها اكيد اكيد
بتشوفون النتايج اللي ذكرتوها فوق ..
خلاصة القول ان التربيه من الأساس هي السبب ..
احتمال يقولون عاداتنا وتقاليدنا كذا .. في هالحالة اضيفوا العادات والتقاليد هذي لأسباب المشكله ..
مع العلم ان سوء التربية ينطبق على الأب والأم ايضاً لأنهم لو تربوا بشكل جيد ،،
ربّوا بنتهم معهم بشكل صحيح ..
تحياتي لك اخوي الأسطوره ولي عوده ان لزم الأمر .. |
في نظري ان الاب مشغول دائما
لكن اين خوفه على عرضه وعلى ابناءه ونفسه من النار
والام متواجده في البيت اكثر وهي من تكون مع ابنتها في الاسواق
ولكن المسؤليه مشتركه بينهم الا يرا الاب ابنته او زوجته وهي خارجه بهذا اللباس المسمى
عبايه كتف !!! الله المستعان
تقول احدى الفتيات وهي ممن يلبس عباءة الراس انها تعاني
من الاستهزاء والسخرية من امها واخواتها في البيت كلما خرجت او دخلت
مرة متشددة ومرة لابسة خيمة ومرة عجوز
وتتعد النعوت ......
اذا الامهات كانت هذه تربيتهم كيف نرجو صلاح البنات
لكن مهما كان مانعفي البنت ونقول مالها ذنب
واهلها السبب
فهي تعرف الصح من الغلط
وتقرا القران وتعرف انه غلط
اذكر مره في احدى المحلات رايت امره مع زوجها وكانت بكامل زينتها .....
وتضحك مع البايع وزوجها معها اين الغيره!!!وانا والله انقهرت من زوجها وكنت اشوي اروح اتضارب معه
وموقف اخر حصل امامي بنت وامها في محل ليبيع العبايات بانواعها واشكالها
والام تبغى تشتري عبايه راس لابنتها وهي ترفض الا عبايه كتف
والام تقول والله ماتلبسينها ابدا مادمت حيه
والبنت تقول ليه شوفي زميلاتي وبنات جماعتنا ..........
والام تحلف وتقسم انها ماتلبسها وانا استمع اليهم واقول في خاطري هذي الام السنعه الله يكثر من امثالها
والهندي الي في المحل يلاحق البنت ويقول هزا اخر موديل شوفي هلو مره وكل اشوي يعرض عليها نوع
والبنت منهبله وتعاند امها والام مصره على رأيها
لكن في الاخير سمعت الام تقول كم ناخذها !!!!!!!!!!!!!
وانا انصدمت وطلعت ولا ادري ايش صار بعدين
مشكور اخوي زيدان ومرحبا بك في اي وقت يالغالي