عديم ترى انا اول واحد رد على موضوعك بس للاسف بعد ماكتبت ردي كان الكيبل مفصول وانا ما انتبهت له المهم عادتنا مختلفة كثير في العيد وتكاد تكون فريدة بعد مانصلي صلاة العيد نجتمع احنا الشباب والشياب كلنا سكان الحي من ابناء العمومة >>عنصريين شوي نجتمع في بيت واحد من الشياب لأن الحوش عنده كبير ونفس الحال ينطبق على النساء لكن النساء كل سنة يجتمعون في بيت ماخذين الشغلة بالدور المهم كل واحد يحضر لازم يجيب معه شئ مثلا مرقوق رز بالعدس وحلا وقهوة وبعد ماناكل ونتقهوى يبدأ تسجيل اصحاب البيوت اللي ناوين يعيدون (يذبحون ذبائح) وكل يوم عندنا ثلاث بيوت تذبح ذبائح لمدة اسبوع عاد احنا في الصباح بعد مانفطر في بيوتنا نروح نزور البيوت اللي بتعيد (بتذبح )ونجلس عندهم ونتقهوى ونشرب الشاي وسوالف الى ان نتغدى ونجلس احيانا بعدها الى صلاة العصر قهوة وشاي وسوالف الهدف من هذه الفكرة اننا نزور بيوت بعضنا لأننا ممكن خلال هذه السنة مانزور ولا نشوف بيوت بعضنا بسبب المشاغل ويمكن لولا هذه العادة لو احد يسأل وين بيت فلان ماحد يعرفه ! وكل عام والجميع بألف خير وصحة وسعادة