حياك الله أخوي
أذا عندك مشاريع بعد زودنا بها يالغالي لا هنت ممكن نجد ضالتنا لديك هههه

طيب أنا بأحاول أقدم بعض الإجابات باللي أقدر عليها

اقتباس:

المشاركة الأصلية كتبت بواسطة زعيمهم كلهم السلام عليكم ورحمة الله وبركاته الحقيقة أنا في رأسي كثير من المشاريع وإستفسارات جابتلي الصداع 1-أغنام: سـ1ـ/كم تكلفة المشروع؟(للمعلوميه إن الشابك جاهز) سـ2ـ/متى الوقت المناسب لشرائها؟ سـ3ـ/ماهو أفضل أنواع الأغنام(النعيمي_النجد_التيوس)؟

ج1 :
كم راس تبي تشتري ؟؟
لنفرض 10 روس والأسعار غاااالية ( على مقياس سوق المدينة ) يعني بالجملة ممكن من 500 أو 650 يعني تكلفة المشروع من 5000 إلى 10.000 لإن السعر مو ثابت هذا بالنسببه لو تبي تبيع مباشرة
لكن لو تبي تربي على شهر ولا ثلاث شهور ممكن يكون تكلفة المشروع لـ10 روس 4000 ريال تقريباً <<< للمعلومية أنا مو راعي غنم لكن أتفاجئ لما يجيني ضيف وأدورله على ذبيحة ما دون 900 ريال شي والنظيف بـ1200 ريال

ج2 : أوقتها ثلاث أوقات -
أولاً : موسمها الكبييير بفرص لا تفوت أكيد موسم الحج من 1/12 إلى يوم ثالث أيام عيد الأضحى . ( يكون مربحك اكبر لما تكون مرباه يعني شريها جفار صغيرة وحاول وقت موسمه تكون على سنها الشرعي للأضحية ) لا تسئلني عن السن المحدد للأضحية ترى نجحت بالفقه بالقوه
ثانياً : موسم رمضان : وتكون الأغلبية لطليان والتيوس
ثالثاً : موسم الأفراح والزواجات ( العطلة ) ويكون الطلب على الشاه الكبيرة ( النعاج و الخرفان ) لكي تغطي لإن الطبخ بخاري يعني ما فيه مفاطيح الأ اربع ولا ثلاث صحون

ج4 : المنطقة اللي أنت بها وين ؟؟
على حسب معرفتي منطقة الرياض وضواحيها يفضلون النعيمي أكثر
منطقة القصيم بين بين والأغلبيه لنعيمي
منطقة الحجاز أو الغربية أكثر شي يفضلونها النجدية مع كثرة شبوك النعيمي الأن النجد أكثر سعر ( الطليان - والرخال - النعاج ناادر شرائها )
هذا ما لدي وممكن يكون احد ذو خبرها في هذا المجال يفيدنا أكثر

اقتباس:

المشاركة الأصلية كتبت بواسطة زعيمهم كلهم

اقتباس:

المشاركة الأصلية كتبت بواسطة زعيمهم كلهم 2-متجر إلكتروني: سـ1ـ/من أين أأتي بهذه المنتجات؟ سـ2ـ/ماهي المنتجات الأكثر مبيعا في عالم الإنترنت؟ سـ3ـ/ماهي أفضل الطرق لإستقطاب الزبون؟

هنا جوابي شرح يعني مو نقاط بس نجحني اهم شي
اها أنت تتكلم عن شغلها تستربح منها في الأنترنت
هذي لا بإس بها .. بس بها شويه
مجال البيع من الأنترنت يعني قد يكون محصور في شغلات بسيطة
يعني أولاً نتكلم عن المنتديات
على سبيل المثال منتدى حلول البطالة كم الأعضاء اللي فيه
ما شاء الله وزوار الله يزيدهم
بس كيف تستفيد من الزوار والأعضاء ؟
يعتمد على نجاح الموقع وما يقدمه الموقع
نشوف معهد ترايدنت الكل يعرفه موقع يقدم خدمات التصميم وبناء المواقع وسجلات شركات التصميم والاستضافة <<<< طيب أش دخلنا يا هوه ما تدش بالموضوع وتفكنا
فرضا أنا صاحب شركة إستضافة وبناء مواقع ! حلو أبي عملاء وزبائن بس من فين أجيبهم .... يعني أكلم كل واحد على ما سنجرة
أروح للمنتديات المشهور والتي تمتلك اعضاء وزوار كبير اروح احط عندهم إعلان لمدة شهر شهرين ممكن احد من الزوار أو الأعضاء يجيني كزبون وأكسب منه
طيب الأعـلان في المنتدى مو بلاش يعني لو أقولك ترايدنت العلان عندهم لمدة شهر بـ1300 ريال إذا ما خانتني الذاكرة وشو ترايد نت كم إعلان عندهم من غير تفاوت الأحجام لكل مقاس سعر ولكل منتدى سعر والكلام على حسب الزوار والأعضاء
----
طيب لو لديك الخبرة في تصميم وتركيبها المنتديات وحل مشاكلها وتركيب برامج المواقع بإمكانك تستفيد من شغلتك صحيح سعرها مو ذاك السعر اللي عليه الكلام يعني مثل ما تقول شغلة دعم فني
----
لو لديك الخبرة في التصميم والرسم بإحتراف انا اقولك ربحك ممتاز يعني لو تصمم ستايلات منتديات تقدر تحدد أسعارك بمتناسب السوق

أهو كلمتين على بعضهن قدرنا نركبهن خخخ

اقتباس:

المشاركة الأصلية كتبت بواسطة زعيمهم كلهم 3-الجوالات: سـ1ـ/ماالفرق بين الصناعة الفنلدية والصينية؟ سـ2ـ/هل ينصح بشراء الجوالات الجملة؟ سـ3ـ/هل إذا شريت جملة يكون من نوع واحد من الجوالات ولا أقدر جوالات جملة لكن مختلفت الأنواع؟(مثلاً:جوالn70 كم واحد وn95 أخذ ثلاثة و....هكذا)

أما عاد ذي فأنا راسب بلا شك
بس نبي نقدم اللي نقدر عليه
طبعا لما يكون لديك محل تقدر تشتري بالجمله لكن لاز بضاعتك تتعدد لا تقتصر على شي واحد خليها كوكتيل
وحاول تشوف الأسعار المناسبة حتى تكسب ربحك ولا تكون عليك خسائر
ممكن تشتري الجوالات المستعملة ( لازم تكون شغالة ولو تقدر تضبطها وتصلحها في حاله نقص يكون أكثر وأكثر ربح

هذي أطلالتي اللي قدرت أدبرها لإني والله ما لي بالجولات

اقتباس:

المشاركة الأصلية كتبت بواسطة زعيمهم كلهم والحقيقة في مخي الكثير والكثير من المشاريع لكن محتار وأرجوا أني أوصلت لكم ألي أنا أريده من وراء هذا الموضوع والله يرزقنا ويزقكم الرزق الحلال

إن شاء الله أكون أفتك ولو بالقلييل
الله يرزقنا وياك رزق الحلال ولكل من يقرأ الموضوع
بالعكس اخوب أذا لديك أفكار أكثر من طرحها ممكن تفك أزمه أحد من الاخواه وتكون كسبت دعوه عن ظهر غيب

مودتي