بسم الله الرحمن الرحيم صباحكم خير ورزق وياسمين اليوم وانا اقرا جريدة الوسيلة لقيت اعلانات تجاوب اسئلة كثير من اعضاء المنتدى وخصوصا اللي لسا بيأسسوا مشاريعهم وقلت احطها هنا وان شاء الله تفيدكم فايش رايكم نخلي هذا الموضوع مرجع لاشياء تجهيز المشاريع سواء مشاغل ولا استديوهات تصوير ولا كافيهات ومحلات واي مشروع ويصير نفيد بعض وكمان نقدر نحدد المكان الأحسن في التعامل والسعر والجودة ومن كل النواحي وطبعا ان شاء الله كلنا ثقة واللي جرب محل يقول تجربته واللي ماجرب يقول مااعرف عشان الباقين مايتورطوا هذي الاعلانات لقيتها في الجريدة اليوم و ماجربت ولا واحد منها وماحطيت ارقام عشان مايصير مخالفة ولو عادي عند المشرفين رجعت اضفتها الأول: مؤسسة الجارد لمعدات المطاعم ( مكائن الفشار ومعداتها, مكائن قهوة .عصير.سلاش.كبتشينو) العنوان: جدة وياليت المشرفين يوافقوا احط الرقم :o وهذي صورة الاعلان في الوسيلة الثاني : اتال كل مايلزم صوالين الحلاقة والمشاغل النسائية العنوان: جدة- شارع حراء-مركز دانيه التجاري , جدة- المكرونة شارع التضامن العربي بجوار مجمع الشرق(2) كتبت الاعلان عشان اذا ماطلعت صورة الاعلان وهذي الصورة لعيووونكم من جريدة الوسيلة الثالث:ماهو اعلان بس اماكن رحت وشفت ايش فيها وعجبتني الاسعار بس يبغالها مفاصلة لاني لقيت بعض المحلات تبيع زيها زي ابو ريالين فلازم الواحد يلف كثير عشان يلاقي السعر الكويس وطبعا اذا راح اماكن اشياءها رخيصة لا يتكشخ لانهم ممكن حسب المظهر يطلعوا السعر لاحظت كذا المهم اكمل :: ملابس الجملة: ملابس نسائية- اطفال- فساتين سهرة (ماادري اذا في ملابس شباب مانتبهت) العنوان: جدة- البلد عماير الباشا ادوات الجملة: زي العلب والورود المجففة واغراض الكوش وهذي الاشياء العنوان: جدة- البلد - الخاسكية طبعا انا لسا في البداية (ادعولي)وان شاء الله اذا اشتريت شي ولا لقيت شي برجع احطها يعني الموضوع ان شاء الله بمشاركاتكم يصير متجدد ومرجع لنا كلنا