هلا وغلا فيكم
اخوي عاطل منذ 1970 طبعا شفت ردك قبل ما أروح
وتسلم ياخوي عالرد
ومايحتاج أقولك إني أدعي لك دووم والله على خدماتك للمنتدى
خريجة نظم .. تسلمين للمرورك يالغلا
زمرده .. يسلم لي قبك وحرصك علي ياقلبي
واليكم نشرة الأحداث
طلعت من البيت بعد ساعه عالمرايا وأخذت شهاداتي وجهازي اللاب
...<< تركدي عاد عالشهادات من شافك قال دكتوورااه
ودخلت المدرسه وقسم تخرعت من أشكالهم
.. ونفوسهم حتى مو بخشومهم .. يمكن ماعندهم نفوس أصلا
المهم
دخلت على ذا المشرفه وعطتني ورق أعبيها ..والورقه ماشاء الله مليانه طلبات توظيف وطلبات جامده وكل اللي مقدمين عندهم خبرات مهي بهينه .. وبس شفت الورقه هذي غسلت إيديني منهم بكلوروكس وفلاش أمريكي
وطالعت فيني تقول بتختار عارضة أزياء مو أستاذه
... قسم ودي عطيتها بوووكس في عيونها
.. << ماتتفاهم ترى بسرعه تعصب وتصيح
المهم
اسألتني أسئلة بزران عن الذره والبروتون والنيترون وأسئله تفشششل
وشمخططاتك لمستقبل المدرسه وشنهي أهدافك وطموحاتك وكيف بتعاملي الطالبات
وجاوبت بكل ثقه وأريحيه .. بس نظراتها تقهر
وقعدت تسئلني سئله تقووول وزير مو أستاذه اي والله شنهو البصمه اللي يتتركيها في تاريخ المسيره التعليميه بالبلاد .. ههههههههههههههههه
ضحكتني والله
وبعدين قلت لها
جايبه معي مشروع تخرجي وهو حائز على تكريم والمرتبه الأولى إذا تسمحي لي أعرضه
وقالت لي مافي مانع .. وعرضته لها.. وماتت عليه .. وطلبت مني أعطيها نسخه
طبعا قلت لها .. أعتذر لأنو لسا مانشرته وحقوقي مش محفوظه وأي أحد يقدر يستقله .< مابقيت أقول يسرقه
.. << مابقى إلا هي أعطيها تعبي وسهري الليالي علشان وظيفه <.. ترى السالفه مو إستعباد
..
بصراحه يوم شفت طلبات التوظيف عرفت انو مستحيل يتركوا الناس اللي عندهم خبرات وياخذوني .. فبعتهم بسوق الحراج
وقالت لي بنتصل عليك إن شاء الله .. قلت في نفسي .. إذا رديت
من شاف نفوسهم .. خرج من المدرسه ومايفكر يرجع ثاني
خخخخخخ
مو زعلانه على اللي صار
بس بصراحه عطيتهم درس انو اذ بتجيني الوظيفه بكرامه ولا ماني بذاله نفسي علشانها
وماخليتها تستغلني وتاخذ مشروعي
عجبت نفسي بصراحه
بس أبغى أعرف لييييه مدرسه تعامل الناس كذا
على قولة شومبيه اللي في شعبية الكرتون
جهنم كلتهم
عذرا عالإطاله
بس حبيت أوسع صدوركم معي
شر البلية مايضحك
يااااارب
وشكر لكل الأحبه اللي مروا هنا وساعدوني
أختكم : فراشه
واللي خلص يعد كم إبتسامه في الرد حقي ..<< مهستره من المهزله اللي صارت لاتلوموها