أعوذ بالله وش هذا الحسد ياناس إتقوا الله
ليش تحسدون المسكين الغفيص ليش
الرجل مجتهد في عمله ويستاهل هو واللي معاه كم مليون على الفكره
ولا أنتو بس تحسدون المسكين
الرجل سوى كذا لشيئ واحد فقط وهو ليحصل على الدعم لهذا المشروع من دولتنا الله يحفظها
طبعاً الدعم المادي
فتخيلوا لو كان الدعم المالي لهذا المشروع اللي راح يجعلنا من الدول المتقدمه على حسب مايرى الغفيص ومن على شاكلته
يكون على الأقل 20مليون
تبغون تعرفون كيف راح تتقسم
أنا أقلكم
3مليون بالكثير ليقوم المشروع
وال17 الباقيه تقسم على الغفيص والمرتزقه اللي معاه
مره ثانيه ليش الحسد ياناس
حسدتوا القصيبي المسكين وهورجل خير ياعيني
ايه رجل يموت في الخير لدرجةأنه مايبغى يشوف ولاعاطل في البلد
ياالله على القصيبي رحمنا من الخادمات الأندنوسيات ايش تبغون أكثر من كذا؟
صار الخادمات من بلدنا يعني سعوديات
يعني خيرنا لنا ماشاء الله عليه
نصيحه مني لكم بطلوا حسد وخلوا المسؤولين المجتهدين أمثال القصيبي والغفيص ياكلوا شوي
إذا بطلتوا حسد فصدقوني راح نعيش في سعادة
وماراح نلقى ولاعاطل ولاعاطله يعني ماعاد راح يكون فيه عماله أجانب ليه؟
أقلكم ليه:
لأن عيالنا وبناتنا راح يشتغلوا سباكين وخدم في البيوت وفي الورش والشغل موعيب
ومو بعيد نصير من العماله المطلوبه في دول الخليج والهند واندنوسيا وحبيبة القلب يالقصيبي طاجكستان
تخيلوا سعودي يشتغل في الهند ويناديه هندي يا أبوف..................
