اخوي شنتر , اخوي غريب الاوطان حصلت مزرعة فيها 10 بيوت محمية ومساحه لا بأس فيها للزراعه المكشوفه وحاليا مزروع فيها كوسه من مستأجر استأجرها للزراعه المكشوفه العقد سنه وخرج قبل اتمام ال6 شهور الاولى وترك المحصول الباقي الكوسه ( خوفني شوي تركه للمزرعه ) وفيها بير والما حلو بس 3 بوصه مبلغ الايجار 30 الف ريال على دفعتين وشرايكم والمشكلة ما فيها سكن للعمال , بس الكهرب المنطقه واصلها وكذلك الهاتف وابراج الجوال شغال جميع الشركات وقريبة من المدينة المنورة 80 كيلو رايكم يا اخوان , وعندي كذلك سؤال بالنسبة للخيار في عملية البحث عن مزرعه ( البحث الميداني) وكذلك استشارة اصحاب البيوت المحمية حصلت في قرية تسما ضعه في ضواحي المدينه يوم 13-10 من هذا الشهر مزرعه وفيها بيوت محمية وزارع فيها خيار والخيار معبا في كراتين لينزل للسوق , وذهبت لقريه اخرى اليوم الاحد تبعد عن المدينه 80 كيلو متر طريق تبوك وهناك لقيتهم يبذرون الخيارفي البيوت المحمية "هنا المشكلة"ويقولون ان المنطقه حارة لذلك لا يستطيعون في البيوت المحمية الى المكيفه منها فقط طيب ليش على كذا يزرعون في البيوت المحمية في هذه المنطقه وش فايدة البيت المحمية ممكن تفيدوني لأني ابي ازرع خيار والاخوان هنا يقولون في البيت المحمي تنتج على طول السنه بعكس الزراعه المكشوفه في مواسمها فقط يا ليت توظحولي على كذا اجلس كذا شهر انتظر وقت الزراعه فقط ونا مستأجر مزرعه فيها بيوت محميه ليش

بالله تنوروني المزرعه وحصلناها ولا باقي الا كتابة العقد اخاف ما استفيد الا من الزراعه المكشوفه والبيوت مثل عدمها

انتظر الاجابة بفارغ الصبر وذا كان فيه نصائح عامه قبل ما اكتب العقد تذكروني فيها ولكم دعوة في ظهر الغيب