هلا أخوي الدبلوماسي
عندي لك فكرة حلوه
قبل يومين جاء ببرنامج 99 الي بالقناة الرياضية
مقابلة مع الشيخ فؤاد الرشيد (مدير مركز الجاليات بالبديعة)
ومعاه شاب اسمه عبد الإله عمره 18 سنة!!
للي ماشاف الحلقة بقولكم وش قصة الشاب
هذا الشاب يعرف انجليزي
مره شاف فلبيني وقاله وش ديانتك؟
قاله الفلبيني: مسيحي
قال عبد الإله: طيب وش فريقك المفضل؟ تدري أنا اموت بالفلبين مره حلوه (وهو ماقد راح لها !)
بس هذي طريقة ذكية عشان يكسب حب الفلبيني
المهم
اليوم الي بعده عزم الفلبيني على وجبة عشاء!!
ماشاء الله عليه اليوم الثاني
أرسله كتاب ديني وهدية
!
تخيلوا وشي الهدية!!
طقم كامل (بدلة) للعبة كرة السلة !!
حتى الجزمه مانساها ! (الله يكرمكم)
المهم
الفلبيني انهبل عالهدية وقرأ الكتاب الاسلامي
وجلس مع اصدقاءه 2 فلبينين
وقالهم عن عبد الإله وعن الكتاب الإسلامي
وبعدين
وبأسبوع واحد أسلموا الفلبينين ال3 كلهم!!
ماشاء الله تبارك الله عليك ياعبد الإله 
ملاحظة عبد الإله بالبرنامج كان لابس بدله عاديه وكان شعره سبايكي
! بس الله يجزاه الف خييييير وأحس انه وصل رساله للشباب
(انه مو لازم تكون مطوع ولحيه وثوبك قصير
علشان تدعو شخص للاسلام !!) ارجو من كل الشباب انهم يجربون طريقة عبد الاله لأن المجال للشباب أكبر من المجال للبنات
يعني الشباب ممكن يلقون كثير مسيحين بالمطاعم والسوق والمستشفى وممكن يروحون ويجيبون لهم كتب ويصادقونهم بكل سهوله لين يكسبون محبتهم وبالتالي يدعونهم لهذا الدين العظيم ! (أدعو إلى سبيل ربك بالحكمة والموعظة الحسنة)