محمد الزهراني,,,,
الله يسلمك من كل شر,,,,وسعدت بمرورك,,,وراح نتنظر جديدك ان شاءالله...
ولعيونك هذي القصيده بشكل واضح,,,,
إيه افتخر لقالوا الناس عانس
وافرح إذا ما جزت للخاطب ظلال
اضحك وانا اسمع سيرتي في المجالس
واعرف عيون الناس ماترحم الحال
حالي مثل من هو على الباب حارس
يحفظ كنوز ما تقدر بالأموال
صعبة يجي إنسان ما هو بفارس
ياخد بنية ينضرب فيها الأمثال
ولا يجي طايش وجاهل مدارس
أكبر طموحه خط بيجر وجوال
صدره من أمراض الدخاخين تارس
زود على التنباك منحط الآمال
ولا يدور براسه اليوم هاجس
يبدأ يغني كل هاجس وموال
النفس في خشمه ودايم يعامس
يقول أنا لي شارب وألبس عقال
خبرني كيف أحيا مع إنسان لاقس
وشلون أجاري لعبة إنسان دجال
هذا كلام بصوت كل العوانس
خذها شموخ وعز مع روقة البال
إيه افتخر لقالوا الناس عانس
ما دام ما هو من تقدم برجال