اقتباس:
المشاركة الأصلية كتبت بواسطة موظفة بحلمي
شكرا أخي متفائل بزمن زائل على الرد ...
كلامك منطقي جدا ، بس هل تعلم بأنه بناء على خطأ هذا الموظف ناس قطعوا سفر من أبها للرياض وناس من المدينة للرياض !! ... ماأعتقد إنه في النهاية نجي ويجون وآخرتها " والله غلطة موظف " ... وش هالموظف اللي يعتذر عن العمادة في الصفحة الرئيسية عن الخطأ في النتائج ويضع أسماء مرشحين ومرشحات .. ماهدفه ... وماذنبنا نحن من ظهرت أسمائنا في القائمة الثانية .. ياأخي أقلها من باب احترام الإنسان وحق من حقوقنا إنا نفهم ليش ؟ ... وإنهم على الأقل يقدمون اعتذار في موقع العمادة عن هالأمر وتوضيح ... وإنت بنفسك تقول لها " إذا كان أخطأ " .. يعني إنت بعد تشك في الخطأ .
حنا عارفين يمكن ماناخذ شي من هالشكاوى ... لكن خلها تكون درس لهم للمسابقات القادمة .. قبل لا يلعبون على الناس ويستهترون بمشاعرهم .
من حقنا ياخوي نفهم الشواغر وين راحت ؟ .. ومن حقنا نعرف ليش 29 وظيفة كل وظيفة بمسمى مختلف .. كلهم لم ينجح عليهم أحد .. من بينهم وظائف مترجم ، وسباك ... إلخ ..
أما بالنسبة للي ترشحوا وإلى الآن ماباشروا مع إنهم سووا الكشف الطبي وخلصوا ... فأنا أختلف معك أخوي فهالنقطة ... واحد من معارفي توظف في جامعة الملك سعود قبل 3 سنوات ... بعد الترشيح سوى الفحص الطبي وبعدها على طول المباشرة بيومين أو ثلاثة ... وأنا متأكدة من هالشي ..
الله يوفق الجميع ، اللي ترشح واللي ماترشح ... بس ليش حددت أخوي شهر جماد كآخر أمل للاحتياط ؟
وشكرا مرة أخرى على التفاعل ، وفي انتظار البقية ... وينكم ياجماعة ؟
|
العفو اختي موظفة وبالنسبة للي جو من برا الرياض وقطعوا مسافات باسالهم سؤال واحد وسؤال منطقي جدا
النتائج متى طلعت الاساسية والنتائج المزيفة وكم استمرت النتائج المزيفة على الموقع وكم استمرت النتائج الرسمية على الموقع قبل ان تخرج النتائج المزيفة
المنطق يقول ان النتائج الرسمية طلعت تقريبا قبل العيد بخمسة ايام او ستة ولا اذكر واستمرت الى قبل العيد بيومين وكان نص الاعلان عليهم بمراجعة قسم التوظيف خلال الفترة من 7/10 لاحظي التاريخ
هل لو فيه واحد ملحوس وجا يراجع يوم العيد ومالقا احد نجبر الجامعة عن انهم يعوضونه بشي والا يعتذرون له عن شي حصل بناء على خطا منه ؟!!!
ونرجع للاعلان المزيف نصه لا اعرفه ولكن اللي اعلم انه لم يستمر على الموقع لاحظي لم يستمر على الموقع اكثر من خمس ساعات وتم ازالته ووضع الاعلان الرسمي اليس من المنطقي ومن العقل ان يتم التأني والاتصال على الجامعة لاستيضاح الامر قبل قطع المسافات
اللي اتذكره ان الاعلان كان يوم الجمعة هههههههههه صح والا لا ؟ امور منطقية كثيرة اللي معه ذرة عقل سيفكر كثيرا اما من تم شحنه وايهامه باشياء فاتوقع منه انه كان محظر في الرياض تقريبا الساعة سبع المغرب يوم الجمعة لكي يكمل اوراقه
شيلوا فكرة الاعلان المزيف من راسكم اللي في الاحتياط فرصته لازالت قائمة وعسى الله انه يوفقه ويوفق الجميع واللي ماطلعت اسمائهم لا من ضمن الاحتياط ولم ينجح ادعوا الله ان يرزقه خيرا منها
وبالنسبة لموعد جمادى الاخر فهو التاريخ المتوقع لأن يتم الاعلان فيه عن المسابقة الوظيفية الجديدة وبذلك تسقط فرصة الاحتياط والدخول في اختبار ومسابقة وظيفية جديدة
اسف على الاطالة واتمنى للجميع التوفيق