مرحبا معسل كوسه


الأهم هو ثقتك بنفسك وبمشروعك

اول شئ يعطونك (فورم) اوراق تعبي الثلاث اوراق الأولى بيانات عنك وعن المشروع




1) الدراسه التسويقيه

يسألونك ليه اخترت هاذا المشروع بالذات

وكيف تقدر تتميز بالرغم من كثرة المشاريع المشابهه ... تقدر تقول اتميز بكفائتي وإرضائي للزبون وعدم الطمع او ممكن تكون تتميز بسلعه معينه ....دور اي شئ تتميز فيه وقوله

ماهي نقاك الضعف الي ممكن تتعرض لها بمشروعك \\وكيف تقدر تجتازها ,,,, فكر بأي نقطة ضعف ودور لها حـل
مثلا عدم كفائة العماله ... حلها تدريبهم على العمل او المهنه
او اي نقطة ضعف أخرى

يسألونك كيف تسوق لمشروعك ... قولهم عن طريق البرشورات لو قالوا لك غيره... تقدر تقول لوحات ثابته بالشوارع

إعلانات عن طريق الجوال \\ معارفي كثير وبيسوقون لي المنتج ... ومن هـ الكلام

ولو عندك طرق للتسويق حاول تقولهم ... أقرأ عن الدراسات التسويقيه عشان تقدر تجاوب على اي سؤال وبثقه


((أهـــم شئ الثقه )),,,, لا تتردد وبين لهم حماسك للمشروع


2) الدراسه الشخصيه .... عادي يقولون لك كلمنا عن نفسك

لا تتكلم عن الأشياء الشخصيه كثير \\\ خليك عملي

عرفهم بـ أسمك وسنك والشهادات الي حصلت عليها ... الوضائف الي اشتغلت فيها أن وجدت
الدورات الي درستها <<< اي شئ عن حياتك العمليه


وبين لهم انك تفكر من زمان بالمشروع ومخطط له لاكن ينقصك التمويل

لا ترتبك من اي سؤال غريب يسألونك ^_^

<<<< خذ وقتك وجاوب عليه او قلهم عفوا مافهمت





يبقى آخر شئ وأصعب شئ <<<< مو صعب مررره لا تخاف



3)الدراسه الماليه (( دراسة الجدوى))


والأسئله كلها تكون عن الدراسه الي انت قدمتها مسبقاً ((يشغلون الجهاز ))

ويتأكدون من معلوماتك .... تقدر تغير الي تبي ... ويمكن يسألونك عن المعدات وأسعارها او العماله ورواتبها او اي شئ قدمته بالدراسه

هنــا تقدر تعدل اي شئ ... وممكن تقول للموضف ساعدني لو صارت في خساره بالدراسه او نقص


بالعاده يبدأون المقابله الشخصيه بعدين التسويقيه بعدين الماليه <<< لاكن انا بدئت بالتسويقيه لأن الخانم الي بتعمل الدراسه الشخصيه تأخرت ماجت

أهم شئ لما يقولون لك تفضل ... عشان اي مقابله تسألهم شخصيه ولا تسويقيه ولا ماليه عشان تعرف

ع فكره لو طلبوا منك تحديث للبياناتك (( أن شاء الله تكون مقبول ))




بالنسبه للفرع النسائي حبوبات مره وساعدوني كثير الله يوفقهن حتى الدراسه كانت غير مجديه وضبطوها لي وقالوا لي اهم شئ حماسك وإطلاعك على مشروعك

.... وغير كذا الفلبينيه كل شوي تقدم لي شئ اشربه تبي تروق اعصابي مره كوفي مره شاي بحليب .... طبعا بين المقابلات


في شئ مهم .... لازم تجيب الأوراق الرسميه مثل بطاقة الأحوال والشهادات والخبرات والدورات




اتمنى لــك التوفيق ,,,

انا اقنعتهم والي على الرسبشن تقولي انهم قبلوني وباقي اللجنه العليا



(((لا تنسوني من الدعاء .... الثلاثاء عملت المقابله الشخصيه )))