اقتباس:
|
افكارع ومشاريع صغيره بـ 1000 و 2000 و 3000
|
شف يالغلى إذا تبغى أفكار ومشاريع وبهالمبلغ وغير المساويك والمسابح .............وشغل البنقله)
فعندي لك كذا (مشيريع) تصغير مشروع تمشي الحال ...وبقوه!!
مثلا :
1 - تجارة الخضرة والفاكهه .
كيف : تاخذ سيارتك وتاخذ معك 1000 أو 2000 أو 3000 حسب إستطاعتك ..تروح سوق الجملة تشتري السلع اللي على مزاجك (انت ابخص) ويبقى عليك التوزيع هذي لها طرق محتلفة منها:
أ - تتفق مسبقا مع كذا محل خضره توفر لهم الكميه اللي يحتاجونها .
ب - تاخذ البضاعة بالجملة من السوق وتبيعها في نفس السوق مفرق .
ج - تاخذ البضاعة بالجملة وتروح أحسن طريق كذا حليو (وتبسط بها) <<< أدري إنها كلمة تجرح.بس مدري ليش
المهم و الخلاصة : إذا سويت زي كذا في كل يوم أظمن لك بإذن الله تصفي ربح من 10000 إلى 30000 ريال ويمكن أكثر .
2 - مشروع السمك .
كيف: نفس الطريقة الأوله بالضبط .
وهاذي أرباحها خيالية.
3 - مشروع المغسلة .
كيف : تستأجر مغسله لمدة شهر بحوالي 1500 إلى 2000 تقريبا وجب لك عمالة من (الشااااااااارع) وأكرف والديهم وأعطهم حقهم باليومية وحاول تحسن سمعة المغسلة بإختيار العمالة صح ..وثاني شي بتقديم بعض المميزات مثل تخفيض أو تغسيل مره والمره الثانيه مجانا ...(يعني بالعربي سو أي طريقة سليمة ترفع سمعة المغسلة) .
أربحها المتوقعه حسب الشواهد من حوالي 4000 إلى 10000 بالشهر (تقريبا)<<<< وركز لي على تقريبا.
4 - مشروع الدينه .
كيف : تستأجر دينه بالشهر وتشتغل عليها إما نقل عفش ولا نقل بضائع معينه . (شف لك صرفه فيها).
والمشاريع ياكثرها بس بهالمبلغ ... هاذا اللي أقدر أوصلك إياه .
(والعمل خير من الكسل ولو قل .... وإذا بقعد أطالع في الناس عز الله إني ماتحركت...طز ياعمي اللي يبغا يتكلم يتكلم أهم شي إني عارف إني أسوي الشي (((الصحيح))) )
والسلام خير ختام .