شوفي يالغاليه والله اني دخلت بشوف الردود بس وانا اتابع الردود تذكرت كتاب رهيب عندي اسمه كنوز الدعاء اذكر اني قريت فيه شي لتسديد الدين والاستغناء وقد جربته من فترة 5سنوات وفعلا الله اغناني المشكله غرفتي حوووووووووووسه فوق تحت قلت اقوم ادور والا بس اطلع من الموضوع ((وحده عجازه ومنانه هههههه))
الموهم قلت شدعوه من فرج عن مؤمن كربه قلت لوحظها حلو بلقاه والله العظيم ماامداني اقوم الا لقيته فوق طابعتي كانه يقول خوذيني مع اني لي فترة ادوره قلت يابنت هذا اكيد الله كاتبه لها عشان يغنيها عن كل خلقه وانا بس سبب من اسباب الفرج ان شاء الله ههههه مب انا هالدعاء ماراح اقرقر اكثر.
1_الزمي الاستغفار ماراح اكثر عليك اكيد عارفه فايدتته
2-عن ابن مسعود رضي الله عنه قال الرسول صلى الله عليه وسلم ((من قراسورة الواقعة في كل ليلة لم تصبه فاقة ابدا)والفاقه معناها الحاجة واحتياج
3-عن علي رضي الله عنه قال الرسول صلى الله عليه وسلم الا اعلمك كلمات لوكان عليكمثل جبل صبيردينا اداه الله عنك قل ((اللهم اكفني بحلالك عن حرامك واغنني بفضلك عن من سواك))
4- عن عائشة رضي الله عنها قالت دخل علي ابو بكر فقال :سمعت من رسول الله صلى الله عليه وسلم دعاء علمنيه .قلت : ماهو
قال : كان عيسى ابن مريم عليه السلام يعلم اصحابه قال لو كان على احدكم جبل ذهب دينا فدعا الله بذلك الدعاء لقضاه عنه
((اللهم فارج الهم وكاشف الغم ومجيب دعوة المضطرين رحما ن الدنيا والاخرة ورحيمهاانت ترحمنا فارحمني برحمة تغنيني بها عن رحمة من سواك )
قال ابو بكر فكنت ادعو بذلك فاتاني الله بفائدة فقضى عني ديني وقالت عائشه رضي الله عنها فكنت ادعو بذلك الدعا فما لبثت الا يسيرا حتى رزقني الله رزقا ماهو بصدقة تصدق بها علي ولا ميراث ورثته فقضى الله عني ديني وقسمت منه على اهلي قسما حسنا وحليت ابنة عبدالرحمن بثلاث اواق من ورق وفضل لينا فضل حسن))رواه البخاري

وفي دعاء حلوووووووووو بس تراه مب حديث
((اللهم صن وجهي باليسار ولاتبذل جاهي بالاقتار فاسترزق رزقك من غيرك واستعطف شرار خلقك وابتلى بحمد من عطاني وافتن بذم من منعني وانت من وراء ذلك كله ولي الاجابة والمنع)

وشوفي بقولك من خبرة سنيييييييييييين مع اني ترا مب ملتزمه مره يمكن الله ابتلاك بالفقر لانه يبيك تتقربين له اكثر حتى لو انك على خير من العباده يبيك تدعين اكثر يسمع صوتك في اخر الليل والناس نيام تدعينه وتلحيييييييين مثل الطفل لما يبغى حاجه يبكي لما ينولها ولاتسألين الناس شي المانع والمعطي الله خذيها قاعدة وفي الحديث اذا سألت فسأل الله
ادري اني قرقرت واجد قسم بالله اني قد ماحاولت اختصر اختصر والا انا ماينفتح لي مجال ههههههههه لاتنسيني الله يوفقني واياك