بسم الله الرحمن الرحيم
شنتر بن عداد
لك علي حق الشكر لطرحك مثل هذا الموضوع
ولي عليك حق العتب
والسبب .!
انك جعلت الفكره بسيطه تماما
وهي والله مهيب بسيطه ابد
أنا قرأت موضوعك من أوله لآخره
وشي حلو والله ان الشباب هنا تحمسو للفكره
لأن الي مسيطر ع السوق للأسف كلهم أجانب أو مستورد
والأخوه الي تحمسو للموضوع اقول
تسوي مزرعه محميه ما توقف فيها انت خسران 100%
وتوقف فيها يعني من الصباح بعد الفجر مباشرة
حتى قبل المغرب بساعة
وتحضر عمليات الخدمه والقطف وتشرف على التسويق اشراف مباشر
والا ..!
انسى الموضوع
وحتى أسهل فكرتك اخوي شنتر بن عداد لبقية اخواني هنا بقول
بيوت محمية يعني ..!
مربوط بخشمك من الفجر لين المغرب على مدار السنه حتى يوم الجمعه
بيوت محمية يعني ..!
عمالة تجيك واذا شافت الفلوس بيدك انقلب مشروعك بقدرة قآدر خسرآن
والحل ..!
يجيك العمال ويقولون
أجر المزرعة
والا
روح دور غيرنا يشتغل معك
بيوت محمية يعني ..!
مافيا بالسوق حق الخضار الله لا يوريك
والله صعوبه بالتسويق ما تتخيلها
باستثناء بعض الحالات الي ينقطع منها الصنف بالسوق ويصير مطلوب ويمشي بسرعه
وهي حالات نادرة
بيوت محمية يعني ..!
أمراض فطرية
حشرات
شريحه او ثنتين من البلاستيك يطيرها الهوى
وبدل ما تبدى يومك بجدولك المعتاد للري والسماد والخدمة ..!
تقعد تركب بهالشرايح
ويتلخبط جدولك
هذا غير
لي يهرب ماء يحتاج حل عاجل
مضخة تتعطل
هوى يجبرك على تأخير الرش الي هو ضروري بقوة
عامل يمرض ..!
و.. و .. و
لكن !
فيها فلووووووووووووووس
ذهب
اذا ادرت مزرعتك بطريقة صحيحة
وهي والله مهيب شغله سهله يا اخوان
والله متعبة متعبة
يبيلها رجاااااااال
رجال توقف ما تعرف التعب
وتتصرف بطريقة سليمه
على كل حآل ..,
أنا يوم شفت الربع متحمسين
قلت أخش اشارك بالي أقدر عليه
لأني سبقتكم بسنوات
وعندي استطاعه اتعامل مع استفساراتكم واسئلتكم بطريقة علميه دقيقة
ما تترك مجال للخطاء باذن الله
خبرتي في هذا المجال واسعة ومبنية على تجربة ومعرفة بالامور الزراعية من جميع النواحي
لكن فيما يتعلق بالخضار فقط
لانها هي الي بنزرعها بالمحميات
ولاني مابي اخرج عن اطار الموضوع ذاته الي طرحه اخوي شنتر بن عداد
وبكون معكم باذن الله دام هذا الموضوع مفتوح واحيانا الله
ولو تأخرت برد فهو لسبب من سببين
اما لكثافة الماده الي بطرحها لاني بحاول باذن الله اني ادعم كل الاجابات بالصور
أو لانشغالي الشديد
لكن
بكون معكم
وحآضر لاي سؤال
أسئل الله كما جمعنا في هذا الموضوع ان يجمعنا في جنة الخلد انه على كل شيئ قدير
للجميع
دمتو بكل ود
أخوكم سالم بن طلق