شف يالغالي كلامك على عيني وراسي .. لكن فيه نقاط ودي اوظحها لك انت وغيرك ..

1- اغلب العاطلين من الكليات التقنية معدلة زفت وتقديره جيد منخفض او مقبول او ضعيف .. جميع خريجين الكليات التقنية الحاصلين على جيد جداً ومافوق يشغلون وظائف مرموقة في القطاع الخاص والقطاع الحكومي ..

2- شهادة البكالوريس في الكلية التقنية بعد الحصول عليها تاهلك قبل غيرك في الكليات الامنية للحصول على رتبة
( ملازم تقنـي ) .

3- اذا كان على اللغة الانجليزية سهله ، بعد التخرج من الكلية بتقدير لا يقل عن جيدجداً ، ادخل اي معهد لغة انجليزية وخذلك لغة ووقتها بتصير مطلوب في اي مكان ..

3- شهادة الكلية التقنية معترف فيها في بريطانيا بعد زيارة ولي عهد بريطانيا للكلية التقنية قبل 7 شهور واعتمد من دبلوم الكلية التقنية 45 ساعة ، على فكرة بريطانيا اعترفت فقط ب 9 ساعات لدبلوم جامعة الملك سعود قسم كلية المجتمع
وش الافضل ياقلبي ...

4- دبلوم الكلية التقنية مصنف لدى الخدمة المدنية على المرتبة السادسة وبكالوريس جامعة الملك سعود مصنف لدى الخدمة المدنية على المرتبة السادسة وبكالوريس الكلية التقنية مصنف لدى الخدمة المدنية على المرتبة السابعة
وش الافضل ياقلبي ،،

5- اغلب العاملين لدى شركة ارامكو وسابك والخطوط السعودية والاتصالات السعودية ومحطات التحلية من الكلية التقنية (( المميزين اصحاب التقديرات العالية ممتاز وجيدجداً وروح تاكد بنفسك )) ..

في الختام لا تتخرج بتقدير ضغيف او مقبول وتقولي ماحصلت وظيفة جيب لي اي خريج من الكلية التقنية وتقديره جيدجداً او ممتاز ولم يتوظف الى الان ؟؟؟ شرط ان يكون تخصصه حلو ، يعني لا تجيبلي واحد تخصصه بايخ ومعدله حلو وتقولي هذا ماتوظف ، انا اتكلم عن اصحاب التخصصات القوية مثل : الكهرباء ، الالكترونيات ، الميكانيكا ، الكيمياء ، المحاسبة ) ، غيرها ما أضمن لك ،،

وبالتوفيق للجميع ،، اخوكم سند ..

.