اقتباس:
المشاركة الأصلية كتبت بواسطة ولد صاهود
انا معك أخوي محمد
أنت صادق ماهو كل واحد يقدر يبيع مسوايك أو بسطات و أنا مثلك ماأقدر أشتغل هالأشغال و ياشباب ترى كل أنسان له ظروفه الاجتماعيه و تعود عليها من هو صغير و الناس و العائله اللي محطيه فيه لها تأثير و مثل ماتفضلت الأقارب لهم تعليقات مش حلوه أنا أعرف واحد يشتغل لموزين خاص ولما اراد ان يتزوج اشرطوه عليه انها مايشتغل هالشغله لانهم راح يتفشلو قدام أنسابهم علما بان دخله من هالشغله يفوق 15000 ماشاء الله
شباب ماعليش خلكم واقعيين و ليس سلبين ترى اللي يعيش بالمدن غير اللي يعيش بالقرى يعني كل واحد ظروفه و بعدييييين ياشباب الزمن تغير بقوه يعني على زمن رسولنا محمد بن عبدالله صلى الله عليه وسلم كانت قريش لها مكانه كبيره عند العرب من حيث النسب و الثروه و الرسول من قريش و كان يرعى الغنم بدراهم قليله و لم يتعرض للانتقاد من أهله وجده عبدالمطلب سيد قريش في زمنهم كانت هالشغله مقبوله
بس ذا الوقت لواحد يرعى وش بصير له و الاحراج اللي راح يتعرض له او من راح يتزوجه و غير التعليقات الغريبه و اللي مش عارف يجرب و يقولنا وش صار له وبعدين اللي يقول عادي و
مدري ايش أن بساله سواله ترضى انه واحد يبيع مسوايك يناسبك خلونا نكون واقعيين؟
بالتوفيق للجميع
|
حياك الله وبياك أخى ولد صاهود
يبدو إنك تنتمي لشريحتي من السعوديين البطالة فمشاركتك واضحة المعالم وفيها من الصدق والواقع والموضوع عموم دعوة إلى المصارحه حتى نثمر شيء جيّد جديد وأنا إذ أشكرك جزيل الشكر على الإنصاف والتوافق وعلى مرورك الكريم وأتمنى أي والله أن يقرؤون الفئة المناهضة مشاركتك هذه لعّل يتفهمون وضعنا ولو بشيء بسيط