هذا اسلوب جديد تنتهجه الشركات الكبيره والبنوك انها تتعاقد مع شركة من برا (طبعا هذي الشركه يملكها بعض موظفي البنوك نفسهم) ويكون التعاقد مثلا على الوظيفه أ راتبها 7000 مقطوع وراتب الوظيفه ب 5000 مقطوع , الشركه هذي تروح تدور موظفين عاطلين لاعبه فيهم الدنيا وتعرض عليهم 2000 او 3000 والباقي هي تاخذه ربح لها وتحطه في جيبها..

راح تسألون البنك ايش يستفيد ؟؟؟

البنك في هذي الحاله راح يفتك من مسؤؤليته تجاه الموظفين يعني ماله علاقه ببدل السكن او اي بدلات وحتى اذا صار في تقصير من الموظف يخصم على الشركه اللي جابته لأن هذا الموظف يشتغل عند شركة التوظيف وليس في البنك .

هذي الطريقه أشبه ما تكون بتجارة العبيد يعني زمان كان تاجر العبيد يأجر العبد (وكلنا عبيد لله) للي يحتاجه لمدة يتفقون عليها .

الله يصلح حالنا ,وينور ادارات الدولة ويهديهم للطريق الصحيح , والله الواحد ما يدري وش يسوي , كل الأبواب مسكره والواحد يوم يروح ويسأل لاحظو بس يسأل عن وظيفه الكل ينقرف منه ويتضايق واذا جاهم بطريق واسطه احترموه , يا جماعه والله المفروض يكون العكس , يعني هذا رجال جاي براسه يدور شغل المفروض اني احترمه واعامله معاملة بشر متحضرين , بينما اذا كان جاي بواسطه معناها هذا شخص اتكالي والمفروض اني ما اعطيه وجه!! صح كلامي ؟؟؟؟

انشالله البركه في اعضاء المنتدى انهم يكونون قد الأمانه انشالله اذا توضفو وصارو مسأولين .