والله ياأخوي اذا تبغى نصيحتي كمل معهم

انا اول ماتخرجت مالقيت ولا شي تقريبا سنة وانا في البيت

جتني وظيفة تدريس بمعهد خاص كان الراتب اقل منك 1500 ريال

بعدها احس كأن ربي رحمني وعوضني بوظيفة أحسن براتب 4200 ريال وبعد ثلاث شهور بس من التدريس

صح انه بالمعهد ظلم وكرف اخر راتب انجحد وخطاب تعريف حق هالفترة الي درست فيها ماعطوني اياه الا بعد ملاعن

لكن التدريس ممتع جدا الطالبات كانوا حبوبات ومتعلقات فيني ودايم يدعون لي تعلمت الصبر على الذل والاهانه وتعلمت ضغط العمل على اصوله انكرفت كرف مو طبيعي تركت المعهد وانا ادعي عليهم من التعب والظغط والخصومات الي من غير سبب منطقي

لكن لما توجهت لوظيفتي الي بعدها والي بعدها حسيت كثير بنعمة الوظيفة الحكومية وحسيت بنعمة الراتب العالي ولقيت نفسي مثاليه ومتفانيه بكل معنى الكلمه قالوا لي بعد سنة راح اكون مشرفة لكن انا عجوله
الان بعد مرور سنتين مازال في ذهني ذكريات من وظيفتي الاولى واحس اني فخورة جدا بنفسي لانني صبرت والله عوض صبري.

انت اذا تقدر تصبر وتكمل واذا انت فعلا محتاج كمل معاهم واعطي الدرس النموذجي علشان تثبت جدارتك امام نفسك اولا واخيرا الفائدة لك . لكن لا ترتبط معهم اكثر من ست شهور , ضبط لك سي في جديد من اليوم وحط فيه انك الان على راس عمل براتب (2000) وقدم في كل مكان بدون ماتذكر فترة الخبرة ترى والله بعض المدراء يقدرون ويفزعون لما يشوفون قوة المؤهل وضعف الراتب وان شاء الله كم شهر وتطلع لوظيفة حكومية راح تتذكر كلامي وتفرح فيها كثييييييييييير