حلول البطالة Unemployment Solutions - عرض مشاركة واحدة - قصص كفاح... لشخصيات .. ترفض رسم الحلم على ارض غير الواقع

heavenmoon · #5 (**permalink**) 12-07-2007, 10:04 PM

قصة قصيرة ( 2 )

سيدة سعودية توفى عنها زوجها .. و ترك خلفها 11 يتيم اكبرهم فتاة لا تتجاوز 17 عام .. حالتهم المادية سيئة وصعبة جدا جدا و مو عارفة كيف تعول الايتام لدرجة انه صاحب المنزل اللي هم ساكنين عنده مسكنهم مجانا بس يبغى ثواب من الله فيهم و اتعهد انه ما ياخذ منها شي لحتى يتخرج اول شاب عندها من الجامعة مو اول بنت كمان .. ..

و للمعلومية هي ساكنة في احدى المحافظات امتنع عن الذكر حافظا لها .. لان اكيد اهل المنطقة يعرفونها لانها صارت مشهورة كثير عندهم

قامت وحدة من المدرسات في تلك المنطقة و اللي تدرس بنتها .. بكتابة طريقة لتصنيع العطور و البخور بانواعه .. وقالت .. انتي اقرائي لامك الطريقة و فهميها .. و خليها تسوي كمية و انا ابيعها بدوري للمدرسات و اذا نزلت مكة برضوا راح ابيع العطور اللي امك تسويها و البخور على اقاربي و معارفي .. و اتحدت مع جميع المعلمات هي قبل تقول للبنت .. عن المشروع .. و قالت لهم .. و الله ما اخلي هذي الاسرة فقيرة بعد اليوم و ان شاء الله ربي يساعدني .. و راح تشوفون هذه الاسرة كيف راح تتغير حياتها ...

اللي صار الام ما قبلت في المشروع المعروض عليها .. و قالت لبنتها قولي للمدرسة ماعندنا فلوس المشروع و لو عندنا كان بدانا ..

المدرسة اعطت البنت المادة اللي تقوم المشروع .. و قالت لها بس امك تنجح .. راح اقولك ردي راس المال .. و بيني و بينكم اتصال ... و لو ما نجح و لايهمكم ... لا تسددوني في شي .

بعد كذا الام قبلت .. وصارت تسوي عطورات مختلفة حسب الطريقة اللي المدرسة علمتهم فيها و كمان صارت تسوي البخور .. و يبيعونه على جيرانهم .. و المدرسة تبيعه على المدرسات و اقاربها و معارفها .. و صارت تقول القصة لاي وحدة تبيعها و تقولها لو تعرفين احد يبغى يشتري .. بلغوني .. و صاروا يكثرون الزباين عليها و من كل مكان يجي عليها طلب .. من مكة و من جدة و من الرياض و من مناطق مختلفة ... و السبب ان كل مدرسة من منطقة بس ظروف العمل جمعتهم في هذه المحافظة و صاروا ينشرون قصة هذي السيدة و الناس تتأثر و تطلب من عندها و كميات كبيرة يطلبون بعضهم .. .. وصراحة هي تعمل روائح عطور قوية جدا و مميزة لابعد درجة .. و يا خسارة على شغلتين .. الاولى المدرسة اللي كانت تجيب الطلبات من عندها نقلت و صارت في مكة .. و الثانية لو تعرفون بكم تبيعها ب 45 ريال بس .. و الله لو تجربون واحد من عطورتها و الله العظيم تقولون المفروض هذا العطر ما يقل عن 400 او 500 ريال .

بس ناس قلوبها طيبة و بسيطة .. تبغى الستر ..

.. و الله يكرمهم يا رب

و شوفوا الان .. مشاء الله تبارك الله على وضعها المادي .. من اروع ما يمكن .. و من اجمل ما تتخيلون فعلا حياتها تغيرت ... و صارت للاروع و الافضل ...

الله يوفقها ويجعل البركة في كل قرش كسبته .. و يضاعفه لها بالخير .. هي و من ساعد في قيام مشروعها او نشر لها او دعمها باي شي لو الاعلان