المشاركة الأصلية كتبت بواسطة زينة و نحول

جزاك الله خير

بس انا لي تعليق على موضوع اخذ الخبره مقابل كرف 6 ساعات يوميا لمدة 3 شهور براتب 500 ريال؟؟؟؟ ليه؟؟؟ وعشان ايه؟؟؟ وحتى لو وافقتي بعد ال 3 شهور يطلعون لك 100 حجه عشان يفصلونك من العمل ويجيبون غيرك بنفس الطريقه وبكذا وفروا على ميزانيتهم وشغلهم يكون ماشي...
وحتى لو اعطوكي خبره 3 شهور وش تسويلك الحين؟؟؟ الناس صارت تطلب خبره سنتين وفوق عشان توظفك بتهون عليك نفسك تعيشين على هالحاله لين توصلين سنتين من معهد لاخر؟؟؟

انا جربت المشكله هذي بعد تخرجي بس بطريقه ثانيه الا وهي اني عملت بتدريب الحاسب براتب 1000 ريال بالشهر لان ماعندي خبره ويخصم من راتبي 50% لمدة 3 شهور ويسلم لي باقي المبلغ اذا كملت سنه وفعلا كنت اخذ 500 بالشهر واحيانا اقل حسب وبالاخير كملت عندهم 7 شهور اشتغلت فيها بكل ذمه وضمير ولولا ظرفي كأمومه كان كملت بس اضطريت اتركهم لاني كنت في اخره فترة حملي والنتيجة المفروض يكون فيه تقدير لجهودي واعمالي ولا كأن فيه شي اصلا ولما قلت لهم بعد ال3 شهور زيدو راتبي انتوا وعدتوني تحججوا بعدم مقدرة الميزانيه تغطية هالشي مع انه والله العظيم دخلت لهم من الطالبات في احدى الدورات مبلغ 16000 ريال
وبعدها بفتره نادتني عشان تصرف لي راتبي ومعه اكراميه على قولتها وش تتوقعون اكراميتها؟؟؟؟

والله ثم والله ثم والله اني اخجل امدها لاحد....... 50 ريال في شيك الراتب مكافأة لمجهوداتي على قولتها

اللي ابي اقوله يابنات انتم بنات هالوطن ولكم حق في التوظيف لاتهينون نفسكم لوماتتوظفون اطلبوا العلم وطوروا انفسكم ولاتنذلون لأحد

وربي يوفقكم

المشاركة الأصلية كتبت بواسطة كارز الشعري

ههههههههه 500 ريال والله 1670 اللي اخذهم من اجار بيتي ارحم ههههههه الله يعينا

ابو ناصر

المشاركة الأصلية كتبت بواسطة معالي بروفسوره

ولو إذا المعهد صادق وما يلعب على الموظفات الجدد بالعكس هذي خطوه منك لفتح باب رزقك الحركه بركه

بعض زميلاتنا الاجانب كذا يسوون بعد احيانا تقبل مجانا وتجتهد وتتثبت بوقت قصير عاد اهلهم صح مو مثل اخواننا يوصلونهم بنفسهم لان كلهم جايين لبلدنا عشان رزقهم

اهم شي مع هالراتب - اللي يضحك صدق - الاداره واحترامهم للناس

لو توفر ثمن المواصلات وبيئة عمل تحترمك انا راييي استخيري

وروحي لو ارتحتي وشاوري اهلك دام ال500 بتروح للمواصلات
انتي مو معلمه عشان تضطرين تصرفين على وسائل وهدايا طالبات

المشاركة الأصلية كتبت بواسطة الحلم الناعس

والله هذا اللي ناقص كرف و500 بس

وش اللي حادني عليها .. الله يرزقك ويرزقنا بأحسن منهاااا

بالتووووووفيق

المشاركة الأصلية كتبت بواسطة عاطله فريش

الله يرزقك بوظيفه احسن منها
بس بصراحه حررررررام 500 ريال وماتدري يثبتوك ولا لا
انا صار لي مع مدرسه اهليه موقف قالت تدريب شهر بدون راتب وكان نهايه السنه
يعني يبون موظفه بدون راتب وماتدري ياخذوك السنه اللي بعدها ولا لا اهم شي ياخذون فايدتهم
الله يزقك يرزقك كل البنات بالوظايف الزينه

المشاركة الأصلية كتبت بواسطة اشووااق

من جدهم 500؟؟؟؟؟؟
ظلم عيني عينك واستغلال!
كأنهم يقولون انتي الي محتاجه لنا مو احنا!! .. احمدي ربك الي نعطيك راتب!!!
يعطوني 25 ريال باليوم وانا اعطيهم 8 ساعات عمل!!
لو مو قد المعاهد لا يفتحونها!

المشاركة الأصلية كتبت بواسطة ال الشمسية

اجلس في البيت ابرك لي اكيد بيكون تعاملهم زين بعد شين وقوة عين