الله يوفقك اخوي
بصراحه انا عاجبتني فكرة الدينا بس انت راح تحصل منها 24 الف بالسنه بينما العامل الي انت راح تاجرها عليه راح يحصل منها 24 الف ريال بخلال 3 شهور بس تصور !!! طبعا الحين قرب موسم الطماطم المحمي واغلب السواقين للمزارع ما يكونون على كفالة راعي المزرعه كل السالفه وما فيها ان المزارع يطلب من سواق يكون صاحب دينا ان ينقله البضاعه من مزرعته (( واغلب المزارع الي تمون سوق الرياض المركزي للخضار , يكون موقعها الضبيعه الي قبل الخرج بكم كيلوا )) طبعا ياخذ منه السواق ايجار الحموله لليوم الواحد ما يعادل 300 الى 500 ريال طبعا موسم الطماطم المحمي تقريبا يقعد مزدهر 3 شهور وممكن تضرب 500 ريال في 90 يوم يصبح الناتج 45 الف ريال ,, بينما في موسم الصيف يزدهر موسم البطيخ وهو نفس حكاية الطماطم يعني شوف بالسنه كم ممكن تحصل ,,, مع الاسف ان هذي الشغله اغلب الي يشتغلون فيها اجانب من مصاريا وسودانيه وهنود واكيد هالشغلانه فيها كد وكرف مو طبيعي بس ما فيه شي يجي بلاش ,, تصوروا قصه يقولي عنها زوجي انه فيه مصري يجي بس فترة ثلاثه شهور يشتغل هذي الشغله وبعدها يروج لديرته (( طبعا يعطي كفيله كم الف يسكته فيها بينما هو ياخذ الهبره )) ,,

اما سالفة الزوجه هذا اسمه هروب حاول تحل مشاكلك مع زوجتك وكل شي في اوله صعب وبعدين هي راح تفهم طبعك وانت تفهمها ولا بد من التازل من ناحية الطرفين ,,(( وعلى فكره ترا كثير من الحريم اول سنه يحبون يدلعون واجد فانت تحملها ووسع صدرك )) والله يهدي سركم ويسخركم لبعض امين يا رب