سلام الله يالربع
كيف الحال جميعاً وبدون استثناء
والشكر كل الشكر .. لاخوي" رايكا " ولا يهون الباقي من الشباب
بس اخوي رايكا .. كيف على موضوع الطول والوزن هل ردو ناس عليها من الكشف الطبي ؟
ولا مشت الامور سلايم !
انا على بالي انهم يكتفون بالقياسات اللي قاسوها بمكتب التجنيد .. بس كذا اختلف الوضع
عموماً .. للشباب اللي يسألون عن الاحوال المدنية .. رحت لهم اليوم ولله الحمد مشت الامور بشكل طبيعي جداً بل اكثر من طبيعي .. بدايةً ذهبت للارشيف عشان يتأكدون من المطلوبات من الحاسب ويوقعون على الورقة اللي جايبها لهم
طبعاً .. بعد ماتأكدو ووقعو .. ارسلوني لمكتب آخر عشان اطبع البرنت الخاص بي
بعد ماطبعت البرنت ارسلوني لمدير الاحوال المدنية عشان يوقع على الورقة اللي جايبها انا
وقضينا ..
طبعا اي دائرة حكومية لاتخــلو من المرمطـــيشــن .. قالو لي الاجهزة عطلانة وجلست انتظر حوالي الساعة الا ربع .. وبعدين تسهلت الامور [ الحمد لله ]
وقلت مادام الوقت بدري .. اروح اخلص توقيع العمدة وتوقيع الشرطة
وبالفعل [ الحمد لله ] خلصتها ، ما اخذت مني تقريبا النصف ساعة ...
مكتب عمدة الحي .. طلبو مني صورة لبطاقة الاحوال .. ووقع وختم على المعلومات
والاخوان بقسم الشرطة ماقصرو ماخذت مني اي وقت .. دقايق وتم توقيعها ايضا من قبل مدير مكتب المدير .. ومن مدير القسم شخصياً
اقل من نصف ساعة ياشباب توقيع العمده وقسم الشرطة
بس الاحوال المدنية اللي طولت فيها حول الساعتين تقريباً
عموماً .. تحياتي لكم والف شكر لاخوي رايكا على المعلومات طمنتني الله يطمنك يابن الحلال
بس اهم شيء الوزن والطول هل يدقرون عليه بالكشف وإلا مو ذاك الزود ؟
يالله اي استفسار انا جاهز
تحياتي لكم ، لي عودة