لا بالعكس لكن يمكن يبغى لك تصبري

لان في الرياض في نياره في بنات كانوا مشاركين باشياء هم مسوينها وكانت ماشيه مررره
لان شكلها شيك وفخم

فالظاهر لازم نخطط
1- شغل يدوي بجوده عاليه مو شرط خامات غاليه المهم استخدام خامات جيده

2- تابعي الجديد في مواقع الماركات الاجنبيه او مواقع اجنبيه للاعمال اليدويه الصور راح تعرفك على الاتجاه الجديد للافكار اللي راح تنطرح في الاسواق حتى لو كانت لغتك ماتساعدك ع القراءه

3- شاركي في منتديات الحراج الالكتروني المجانيه واعرضي اشيائك
وكمان راح تحتكي باللي عندهم شغل يدوي وراح يساعدك هالشي من تجربتي هالامر مفيد

4- انا تجربتي في البازارت فاشله لان الايجار مرتفع بالنسبه لانتاجي الفردي
لكن في بنات بالعكس عشان كذا تطوير الشغل اليدوي راح يساعدنا على الاستفاده اكثر

5- فكري تتفقين بمساعدة اهلك او زوجك مع صاحب محل يستورد زي شغلك اليدوي ويعرضه لك في محله
اقصد المحلات والدكاكين اللي في الاسواق
او ممكن لو كانت الكميه جيده تعرضيها على مسؤل المشتريات في السوير ماركات الكبيره اللي يتسوق منها الناس يوميا عندهم حاجات مستورده كانها بقايا اللي هي استوكات >> احنا نسوي احسن منها
فدوري بمساعدة اهلك على مسؤلي المشتريا ت عندهم واعرضي عليهم انتاجك لو بنسب صغيره لك عشان تبدئي تعرفين شغلك للمستهلك