اللقب
انا كلي فرح
مابي همومٍ تحتري
عمر احساسك
الاحساس برأيي ماله عمر يولد بكل لحظه مع من نحب
لويكبر عمر الاحساس شاب وكان الكفن له لحاف والقبر له حضن
اكتب لنا تعريف للإحساس ؟
- اندماج لأرواح وليدة، متجددة لاتكبر عاشت في مهد البراءة وسمو الذوق
أبيات ترحيب من اختيارك أو كتاباتك ؟؟
هـلا يــا مرحـبـا يــا حــي عــدد مــا تــذري الـذريـان
ومــــا هــــب الـنـسـيـم الــبــارد الـغــربــي يـغـذيـهــا
ومـا هلـت مـزون السحـب أو سـالـت مـنـه الـوديـان
وعقـب اسبـوع نـارت لـرض مـن عشـب ظهـر فيهـا
وغـنـا الـــورق بـالـحـان تـثـيـر الـعـاشـق الـولـهـان
تـجــر الــصــوت بـانـغــام عــلــى عــالــي روابـيـهــا
أبيات حب ؟
حبيبي ما كفاني في الحضور الصوت و الصورة
و لا طفّت لهيب الشوق ثنتين تحلاني
سقا الله ليلة فيها القمر غاب و طفى نوره
بعد ما سلمك يا نور ليلي وجهه الثاني
سقا الله يوم كان الحب غصن نقطف زهوره
عسى الريح اللي اومت به تنام .. و يسعد الجاني
حبيبي .. علّها تكبر جروح منك مغمورة
نصيب جابني لك .. باتجاه الشمس ودّاني
ذخرت اغلى شعور.. وكل خفاق و مذخوره
لعينك يا الجريح المستريح القاصي الداني
و شلتك داخل الوجدان حمل لذّ لي جوره
و لو اشغلتني و اشغلت بي تفكير خلاني
اب اولّع لك الدنيا قصايد عشق منثورة
واب اعزف بك نغم للحب يا قيثارة الحاني
عليك عيون ناس وكل قلب ضاق بشعوره
تمنّتك العيون .. و جيت يا عيني تمنّاني
احبّك .. كيف ما احبّك .. و انا اللي لك بنى سوره
على جمر .. يدفّي بارد اشجانك من اشجاني
حبيبي .. و المشاعر فيك مختالة و مغرورة
تدلّل .. و أنت في ساحة غلاي اليوم وحداني
واذا ملّت خطاك الدرب .. مسموحة و معذورة
تناساني .. دخيل الحب .. لو تقدر تناساني
أبيات عتاب ؟
تقوى الهجـر .. وش لي بقى عندك .. تدوّر لي عذر .. لا تعتـذر
تقوى الهجـر .. ما نجبـره .. من عافنا ما ينجبـر .. لا تعتـذر
زاح الصبر .. لا لا تعنّى لي وتمـرّ .. وتبغى الصبر .. ويـــن الصبر
جرحي عميق .. والقلب في دمّـه غريـق
وتبغى الصبر .. ويلاه من وين الصبر .. مهما تقول لا تعتـذر
مهما تقــول .. من الأغاني والجمل .. ما يحتمل .. قلبي فدية جبر الألم
يمشي معك درب الندم .. ما يحتـمــل
يكفي عليه .. منك احتمل كذب وغـدر .. حبك سراب .. ضيعت وقتي أتبعـه
وسط الضبـاب .. وصوتك ينادي اسمعـه .. صرت أتبعه ..
واليوم في صحراء الظما .. ترمي فؤادي وتحرقـه .. ترجع تقـول ..
أبعتـذر .. ليــــه العــذر
دام الهوى .. ما له على قولك عذر .. والجرح يا جرحي يداويه الصبر ..
ليـــه العــذر ؟؟
الله كريم .. الله عليم .. هو عالمٍ بالحال .. ولا يمكن يظيم
عزاه لك .. يا قلب يا أحلى نديم .. عزّتي .. للحب لو يصبح يتيم
حبك يتيم .. وكلك ندم .. حبك يتيم
وين الندم بين السطور .. أمر العدم ماله ظهور ..
ترى هذا غـــرور .. هذا غـــرور
تمشي بطريق .. وأنا بطريق .. اللي يوديني لبعيـــــــــــد
عنّك يا أول رفيق .. البعد يعفيني المزيـــــــــــــــد
وين الوفى والتضحية .. وينك رفيق ..
وين الوفى والتضحية .. وينك رفيق ..
وبتجمع أوراق السنين
لا تنسى تجمع جروحي .. ودمعي .. وآهـاتي معــك
وقلبي بعد ما قتلته .. يا رفيقي .. ما عاد يقدر يمنعك
كل الأمر .. عاد بيديك ..
يا خلّ يا هـــاجــر ..
ما عندك عــذر
أبيات شوق ؟
محتاج(هـ) لك .. والحاجة أم الاختراع
ياللي تسافر كل ما .. إحتجت لك
ماقلت لك إني مـ أتحمل وداع
وداع ما أتحمله .. ما قلت لك ؟
الطير بين الغيم واطراف الشراع
والموج . والورد الندي اللي جبت لك
كل حاجة تردد وراي بـ إنصياع
اشتقت لك .. اشتقت لك .. اشتقت لك
ياللي حضورك قوت .. وعيوني جياع
تبي الصراحه ؟ .. كل أبوني جعتِ لك
ضي .. وعليها ..آع ... تعطينا ضياع
وانا انطفى ضيّي كذا .. من ضعتِ لكـ
اشعلت لك قلبي من اللهفه .. وماع
ليته مَ ماع ..وليتني ..مَـ اشعلتِ لكـ
في وقت صار الكل .. لبّيسة قناع
مع إني جدًا واضحة .. وضّحتِ لكـ
ان المطر ينزل عشان .. الإرتفآع
واني على شان ارتفع .. نزلتِ لكـ
وان ضيقتي لابد معها .. اتساع
وان اتساعي يْزيد .. كلْ ماضقتِ لكـ
كلْ ما افوق ..يموت في عيني .. شجاع
وكلْ ما اموت شوي قمت .. و فقتِ لكـ
امتع خطايا حبي ..لك .. الاندفاع
واخطى مُتَع حبك .. ليا فضفضتِ لكـ
رددت لك .. سافر وضيعني وضاع
وانا اختنق بشويش .. لا رددتِ لكـ
ياللي ذبل تشرين .. من قلت : الوداع
لا تْقول بعـــدين : انْ انا ما قلتِ لكـ
إما لجِل اوصَلْك .. بَعْمَل اختراع
والا لا عاد تسافر.. اذا احتجتِ لكـ
أبيات وداع ؟
فمان الله يالبيت الحبيب الغالي.
يلي معك في كل الاركان صوره.
عشر وتقفاها عشر بالتوالي .
عشرين عام ضمني في سوره.
هناك مجلس عامر برجالي.
كل النشاما تدهله وتزوره.
راعيه (ابويه) والشبور طوالي.
مكرم ضيوفه والعدا مدحوره.
راعي سمينه ودله وفنجالي.
وعلوم طيب وفزعه مخبوره.
يالله عساله بجنتك منزالي.
ينعم بجنات النعيم وحوره.
اليوم أودع منزلك يالغالي.
واخذ معي ذكرى هنا...؟محفوره.
واترك دفاتر همي وغربالي.
ودموع حزن بالورق منثوره.
واقلام شعري ومجلسي بلحالي.
والليل لابان القمر في نوره.
واغلى الطيوف اللي تجي على بالي.
اللي معي فغيابهم وحضوره.
ودامه محال انه يدوم الحالي.
عساي اكون بغيبتي معذوره.
وفمان الله يالبيت الحبيب الغالي.
يلي معك في كل الركان صوره
لاتعتذر ماعدت أنا حمل إعتذار
........ لاتعتذر منّك تعوّدت الجروح
لاتعتذر وإنسى أمانة اللي صار
....... لاتعتذر دنياي ماعادت تنوح
وش احساسك لما يوصلك هذا البيت وش راح ترد
البارحة والقلوب أصحاب كنت القمر وأنت تمدحني
واليوم لي مخلبين وناب ومشاهد الدم يفرحني
كذاب هذا المدح كذاب وكذاب ذم يجرحني
إنسان ماني نجم وشهاب وليتك ملاك وتصلحني
لي صرت عاري علي ثياب بالله وشلون تفضحني
اخطيت واخطيت كافي عتاب إنطق بحكمي وريحني
ياصاحبي ماقطعت أرقاب عدل قصاصي وتذبحني
ولاني بعد أجمل الأصحاب الأجمل إنك تسامحني
إن ضـــــــــــــــــــاقت الدنيا .... بعيني نصيتك
أجيك كني ....... مبتسم لي زمـــــــــــــــــــــاني
تبقى القلوب كبــــــــــــــــــــــاار .... مهما جفيتك
ويبقى ..... غــــــــــــــــــــلاك بداخلي ماجفاني
نبي تحط لنا رد على هذا البيت .. في بيت من اختيارك ؟؟
لا اقبل حبيبي عانـي ٍ لـي عنالـي
يفـز لـه قلبـي جميـل التساريـح
واسقيه فنجـال الغـلا مـن دلآلـي
وضم شعره خـوف لا ينثـره ريـح
شاعرك المفضل ؟ وأبيات من أشعاره قريبه لـ قلبك واحساسك ؟
سعد علوش
بري حالي لانـتهى العصر وأعلن الانسحاب
وخلت الشمس الصداره ومالت للغــــــروب
واذن المغرب وساد الفضاء مثل الضـــباب
وأنتهي والليل لبس الامــــــــاكن لبس ثوب
وردت هموهي على قلبي الصلب الخراب
وردت حيام الضوامــي على عدت جذوب
كلها هانت ولاهنت يا هم الغيــــــــــــاب
من محبه صاحبك صـــرت ياهم محبوب
إخذ ليلك بأوله وأكل واشرب في رحاب
قلب من شدت طهارته تجــــفاه الذنوب
ايه والدنيا مساكن ورحله واغتـــــراب
والغلا في الوقت هذا مميز بالعيـــــوب
أشمل بجسمي وأعدي على روس الهضاب
كل ما ضيعت وجهي دريت انه جنــــــوب
ويش اسوي فيك ياعم تلعـــــــــــات الرقاب
وانت واقع والتمعان وفي عيونك هـــــروب
انت مجرم ..لا ويش جاب ..لويش جاب
انت عذب ..عذب رجيلي بشوك الدروب
صرت اهاب التزاحم وانا ما كنت اهاب
وامشي بكيفك لو اني على المشي مغصوب
صرت اجمع من جروحك وكلـــماتك عتاب
وقبل اقول اشفيك تجرحني ؟ استغفر واتوب
صرت احسب لناس ما كنت احسب لها حساب
وصرت اكذب لآجل ترضى وانا ماني كذوب
شوف مهما صاربي انحنــــــــــائي إنتصاب
إلعب بعمري وبعثرة بايدك يا اللعـــــــــوب
ادري ان الجاذبية تسبب الآنســـكــــــــــاب
وادري اني منسكب وادري ان يديك كـــوب
سلت فأرضك وارتوت بي وفاضت بي عذاب
لين حبتني قلـــــــوب وتعادت لي قلـــــــــوب
فأعرف ان زولي غدير وحكايــــــــاهم سراب
والمقادير الايادي وشين حظ ؟ طــــــــــــوب
يعني ليا من رموني حقريــــــن الجنــــــــــاب
صار زولي عشرة ازوال وعيوني قــــــروب
اتعدد لجل اداريك عن طيــــــش الشبـــــــاب
واتوحد يطغى على وجهـــــــي شــــــــحوب
ماني استاهل كذا منك يا وبل الســـحــــــــاب
لاتبللني وأنا ودي إنــــــــــك ماء شــــــروب
إيتني وأدخل فـ قلبي يا قلبي باب ..باب
وأخطر عروقي برجليك يأسمر دوب .دوب
جل ..من ولع عروقي بقنينه تــــــــراب
نوب تضحك من عذابي وتبـــــكي منه نوب
لو لي دعوه وحيــــــده وهي بتستـــجــــاب
قلت يا ربي اليـــــــا مر خالــــف الهــبوب
زوي قلبي كل ما أزويت خصرك بانسياب
وقف العالم يرد البحر من كل صـــــــوب
يا خلاصة شهد وعذوق ومالــذا وطــــــاب
يا مغلبني وانا ما بعد صرت ...مغلوب
يا مسفرني ذهاب لوجهك ذهاب بلا إياب
يا معزز بالغلا ..يا مقدر ..يا محسوب
إيتني وأذهب بي بعيد يا مـــــــال الـــــذهاب
ضمني بايديك ..أجمد على صدري وأروب
إنت لو ضميت تمثال مـــن ضمتــــــــك ذاب
كيف لو ضميت صدر على ذكرك يذوب ..؟
نبي احساسك بهاللحظه توصفه لنا بأبيات ؟
اللحظه اللّي مقبله ..
بدري على ... اللحظه اللّي مقبلة ...
بالهون يا مستعجلة ... باقي فرح ...
لو ما تسرعتي على شمس المغيب ...
وقفت ثواني ما اغربت ...
وساعة وداعك ما اقربت ...
لو ما اختصرتي من السما ...
شبر إنتظار ...
طال النهار ....
ابسألك ...
حنا نعيش اللحظه والا نعدها ...
نركض على سطور الزمن ...
ونقرا من كتاب الزمن ... صفحه ...
عشان الصفحة اللي بعدها ...
أجمل من نجوم السما ...
إني أنا وانتي ... انتساءل ...
يا ترى ... يا ترى وش بعدها ...
انت انسان حساس؟ اوصف لنا مدى حساسيتك؟
إرفــعــي ســهــم الـمـنـايــا يـالـعـيــون
مـابـقــى فـيـنــي مــكــان(ن) لـلـطـعــون
كـــل شـبــر(ن) فـــي حـيـاتــي إنــجــرح
و الــــذي شــقّــوا خـفـوقــي يـشـتـكــون
يـــا الـعـيـون الطـاغـيـه خــفّــي عــلــي
كـبــرت الـلّــي بـــاوّل ايــامــي تــهــون
فــــي عـيــونــي دمـعـتـيــن واقــفـــه
ردّت الايــــــام دمـــعـــي بـالـجــفــون
بـالـغَــت فـيــنــي تـبــاريــح الــهـــوَى
وأسـتـبــدّت بــــي الـمـواجـيـع الـظـنــون
خـبّـريـنـي يـــــا غـــــرام الـعـاشـقـيـن
كـيــف يسـتـهـوي هـــل الـعـشـق الـمُـنُـون
إرحــمــي قــلــب(ن) تـجـاريـبـه قــســت
فــي زمــان(ن) مـاعــرف يـــوم(ن) حـنــون
الـلـســان يــخــون و الـبـسـمـه كُــــذُوب
واصــــدق التـعـبـيـر نــظــرات الـعــيــون
صوره تعبر عن احساسك ؟
وش اكثر احساس تحسه بهالايام ,, مع أبيات معبره لهذا الاحساس ؟
يجيب السفــــر طآريك يآحي ذا الطاري
وأنا بين تغميض العيون ومدامعها
غريب السفر والأغرب إحساسه الناري
ياكم ناس فرقها وكم ناس جمعها
فـ على الرغم من كمية الكبت الإجباري
يبين شعـــــور النآس لما توآدعها
وانا لا بكيت البكي جهدي وإصراري
أحس إني انظف خلق ربي وأروعهآ
ترى الشآعر ليا حب ينجـــــن ويمآري
مثل من معه ثروه ويبغى يوزعها
أحبــــــــك وإذا ماكنت داري انا داري!!
أنا كل يوم اقولهـــــا لو ماتسمعها
حبيبي .. حبيبي للوفــــــآء بايع وشاري
تخون النفوس مالقت شي يمنعهآ
هداياي كتبي..بآقي أغراضي..أشعاري
إذا انّا افترقنـــــــا طآلبـــك لاتقطعها
تبرع بها لو ما أنت راغب ولاضاري
لعل وعسى تلقى لها ناس تنفعها
وفي النهايه
مساحه لك ولإحساسك ؟
انكسرت من الفراق وشوف عيني
...شوف عيني وأنت تدري بانكساري
كلما مديت لوصالك يميني
....رحت تتجاهل يميني مع يساري
حتى صرت أشوف جرحك في يديني
.....في يدين الجور صداتك مواري
حس فيها لابلاها حس فيني
.....لا تعبرها لكن رد اعتباري
وأنا مقفى جعل منت منتويني
......بالجفا والخوف وأنواع العزاري
ياهلي يانصف ربعي ياخديني
......يامواني غربتي ياروح داري
يا شموخي يا انكشافي يا دفيني
..... يا علوي يا بقائي يا انحداري
يا بداياتي يا مائي يا كسجيني
....يا اندثاري يا اعتدالي يا ازدهاري
يا بلادة حسي وقمة حنيني
.....يا اختياري لا يا عشواء اختياري
أعشقك من عادني فول سنيني
...لين صرت آخذ مع نفسي قراري
من عرفتك وأنت ثالث والديني
....واللجوء إليك يعني لي فراري
ضمني خل الضرر بينك وبيني
.....الضرر من ضمتك شيء اضطراري
خل يدينك من الجور اتحميني
.....من جمود يعيش و الين انصهاري
كل ما ضاقت بعيني يا موعيني
......ابتسمت وصار لي ليلي نهاري
فلا سكت تروح بطيش اتحكيني
.... رجعي أبطبعك وبأسلوبك حضاري
ماذبحني فيك ألا انك تبيني
....وما سحرني ألا حكاك الأستعاري
لا حكيت أحس بأشياء تعتريني
....وان خشع قلبي وتطري لي طوراي
أعشق حكيك وحفظه يا ضنيني
....حفظ بن تيميه لحكي البخاري
ولا سكت أحط يدي في جبيني
....وارجي الله ما يطول بانتظاري
أدري أني عندك وأسألك ويني
.... داريا لكن ما كني بدراي
لين شيطاني تلفظ كلمتيني
....ورحت مني ما تبي سمع اعتذاري
لا تبكيني وتفرح عاذليني
.....ولا تخسرني بعد كبر انتصاري
لا تخليني بعد فيضة كنيني
.....وأنت خابرني على الوصل انتحاري
لا تروح بروحتك كلن يجيني
.... ما ني مكابر ولا حتى مداري
انكسرت من الفراق وشوف عيني
..... شوف عيني وأنت تدري بانكساري
الف شكر لك عروق لاختياري ولساني يعجز بصراحه عن وصف مدى احساسي
وهذي اختيارات احساسي
واعتذر على الاطاله
واختار لتكمل مسيرة بوح الاحساس وثيقه متلحفه