ماادري اخوي عاطل يمكن ردي جاي في الوقت بدل الضايع

انا متوظفه على هذا البند البئيس من شهور وطبعا هذا البند عقده

عقد سنوي ويتطلب التجديد سنويا يعني كل مايقرب عقدك يخلص

لازم مديرك يرفع فيك طلب لتجديد عقدك ويرفع تقييمه لأداءك بالعمل

واذا شافوا انه في احتياج لك بالقسم وفي وفره في ميزانية الجامعه يتم

تجديد عقدك لمدة سنه وكل سنه لازم يصير معك هالكلام عشان التجديد ..

طبعا بما ان الرواتب تعتمد على وفرة الميزانيه فرواتبه في طلوع ونزول حسب

ميزانية الجامعه انا توظفت في ربيع ثاني من هذي السنه وكان لي 5 ايام اضطراري

و30 يوم اجازه براتب والبدلات تختلف طبعا حسب مسمى الوظيفه وحسب شهادتك ودرجتك

العلميه انا شهادتي حاسب الي - تقنية معلومات كانوا يعطوني بدل غلاء معيشه وبدل نقل

وبدل حاسب بس قالوا لي شئون الوظفات ان اذا تم تجديد عقدي فعقدي الجديد بيكون مافيه

اضطراري ومافيه بدلات لانهم الغوها لبند الوفورات وبس عندك بدل نقل اللي كان 600 وصار

300 ..

البند بئــيـــــس ومااحد يعترف فيه ولا يدري عنه الا جامعة الملك سعود .

طبعا بيتم حرمك من اي دورات تطرح لموظفين الجامعه لانك بند وفورات يعني بتشوف

اشياء كثيره واذا تكلمت وجيت اتقول ليش ماعندي مثل غيري بيقولون لك انت بند

وفورات ( يعني قصدهم احمد ربك وظفناك ) ..

في النهايه يااخوي اقول لك البند على عيوبه كلها بس يعتبر احسن من لاشي يعني

انا باكمل معاهم لحد ما احصل غيرهم ، يعني يقولون لك نص العمى ولا العمى كله ..