السلام عليكم ورحمة الله وبركاته حالة حب
بصراحة ما ابغى اصدمكم كثير
لان بصراحة كل هذي الاسئلة فقط روتين
والله ثم والله العظيم ما يطالعون فيها
لان بصراحة جاوبت على كل اسئلتهم في تقديم سابق بوظيفة مراقب صحي قبل شهر ونص
وجاوبت على اسئلتهم لين طلعت عيوني وسويت بعدها موافق وانقطع الاتصال وبعدها رحت وعصرت مخي مره ثانيه وجاوبت كل الاسئلة مرة ثانية وتعبت
وبعدها ارسلو لي رسالة بقبول الوظيفة واجراء الاختبار
والله فرحت كثير
ويوم رحت لهم على موعد الاختبار لقيت حوالي 1000 شخص قدامي مقبولين للوظائف الي عددها بس 30
سارت فوضي كبيرة جدا ما تتوقعينها في مقر الامانة
بعدها سألناهم ليه العدد المقبولين كثير كذا وليه ما سويتو حصر بإجابات الاسئلة الي وضعتوها في الموقع على انهم كاتبين في الموقع اجابات الاسئلة هي التي تحدد من يقبل في الوظيفة
قالوا كل من سجل في الموقع حتى لو بس كتب رقم جواله تجيه رساله بالقبول
وقال بالحرف الواحد احنا مب فاضي لي كل طلب تقدم إلينا نطالع فيه
يعني يا اختي الفاضله من كلامه ما يطالعون في اجاباتك عن اسألتهم بس يأخذون الرقم ويرسلون
اهم شي اهم شي انه يكون تخصصك هو المطلوووب لانه لهم طريقة يفرزون بعدين الي تخصصهم نفس المطلوب على حدى والتخصصات القريبة من نفس الوظيفة على حدى
والله لو تكتبين كيف الحال في كل فراغ في محل الإجابات لتجيك رسالة بالقبول
عذبونا والله واخر شي مافي فايدة
الله يوفقك
وإذا في أسئلة اخرى انا حاضر
