كمونة وهند شكرا كثير بس انا في الوسطى بين الرياض والخرج والمزاحميه
مخاوي العبره مو كل السعوديات والسعوديين ما يتحملون مسؤلية شغلهم
السعوديات والسعوديين زيهم زي غيرهم وانا سبق اشتغلت في مكتبة مركز مسائي براتب اقل من الف لان المواصلات عليهم ولما تركت هالوظيفه تركتها بعد ما صارت بيئة العمل كلها نميمه ومنافسات خطأ
اللي بيعيرك بأنك بائع في محل او باسط على قولتك وش تبي فيهم إذا الناس ما يقدرونك لصفاتك واخلاقك
اللي يقدرك عشان مهنتك او مالك او نوع سيارتك معياره خاطئ
اذكر شفت تقرير إخباري مع طالب جامعي فتح مغسلة سيارات يشتغل فيها بنفسه
اذكر إن المراسل سأله لو رحت تخطب ورفضوك لأنك تغسل سيارات وش بيكون موقفك
قال الشاب انا اللي منيب متشرف اخطب عندهم