اقتباس:
المشاركة الأصلية كتبت بواسطة جعيمير
ليه يا شباب انتوا كذا محطمين
(عالم القهوه)
ياخي خذ لك اي شئ وبيعه
وربي ما فيه شئ ولا هو عيب ولا حرام
ماباقي الا ثيابنا نبيعهن ماصفا شي
اخوي عالم القهوه انا اقولك ليش (محطمين)
إذا كان قلبك يبكي كل يوم من غدر الدنيا نصير (محطمين..)
إذا تدرس ثلاث سنوات بالجامعه ويجيك فصل نصير (محطمين..)
إذا رحت تدور وظيفه لقيت الأحقيه للأجنبي نصير (محطمين..)
إذا الأجنبي يجي هنا ويصير سيد سيدك نصير (محطمين..)
قبل عشر سنوات كان حراس الامن اجانب الحين بالواسطه تصير حارس امن نصير (محطمين..)
إذا كان أجار الشقه فوق العشرين الـف نصير (محطمين..)
ناهيك عن امور كثيره انا وانت وغيرنا يعرفها بس خلنا ساكتين
(وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ)
|
مشكور على هالرقي في الحديث والكتابه
من جد انك ادهشتني
ولكن لا ازال اقول انكم محطمين
تدري كم عمري
21 سنه
ولله الحمد عندي الحين كافي شوب
واحتمال افتح لي فرع ثاني
بتقول عندك دعم
للأسف الشديد
كل هالشغل من عرق جبني
ولا قلت عن نفسي محطم
ممكن اكون داخلي محطم ولكن ما ابينه لأحد
ولا زلت احاول
يا ليت يا الغالي تعطيني طريقه اتواصل معك فيها باكثر من المنتدى
وتقبل تحياتي