يابوي جيتك اشكـي الحـال مقهـور
.......................... من هاجسن بالقلب مدري علامه؟
ولدك يبكـي وادري اليـوم معـذور
............................. ماحسّب لقول العدو .. والملامـه
ولدك يشكـي وماعلـى حالتـه زور
............................وعز الله انه صادقن فـي كلامـه
وانا اشهد انك بالوفا بانـي قصـور
........................وهذي الحقيقه ومـا عليهـا غمامـه
وعلمتني فـي دنيتـي عـدة امـور
..........................وطبعتها في وسـط قلبـي علامـه
في صحبة الطيب وانا ابوك مجبـور
...........................واحفظ صحيبك ليـن يـوم القيامـه
ويابوك احفظ علمي اليـوم والشـور
.............................الضيف ثم الضيـف احفـظ مقامـه
واحذر ينادونك هل الشعـر مغـرور
..........................واحـذر تسـاوم ياولـدي بالكرامـه
واحذر تسمّع صاحبك من ورى السور
...........................واحـذر تصنّـع ياولـدي بابتسامـه
ولامن دخلت جدال مع شخص مطيور
..............................احـذر تشبّـه بالبحـر والتطـامـة
والله امرك وانـت لرضـاه مأمـور
.........................عليك ..(بالتقوى)...( وبالاستقامـه)
ناسن تموت وناس تبكي علـى قبـور
............................وناسن تفكـر بالسهـم وانقسامـه
ترى الاوادم بالعمـر مثـل الطيـور
...............................كلـن ضمـن ابمخلبـه وش طعامـه
وابعد عن دروب الهوى وعيش مستور
..............................وش لك بدربـن مايعـرف السلامـه
ترى الهوى لو ينطرى اليوم مدثـور
.............................محدن تحقـق فـي غرامـه مرامـه
هذي الحقيقه واغلـب القـول مأثـور
.............................لا يخدعك لـون البحـر وانسجامـه
ياكم شخصن عام في اعمـق بحـور
................................واثـر الغـرق منيّتـه يـوم عامـه
يابوي انا في قربك اليـوم مسـرور
...............................ياتـاج راسـي ياخـوي الزعـامـه
ياعل عمرك يايبـه سنيـن ودهـور
...............................انت الكريـم وانـت رمـز الشهامـه
وصلات ربي عد ما هـدت صقـور
..................................وعـداد وبلٍ منتثـر مـن غمامـه
نواف بن ناصر ماقصر في هذي القصيده العذبه
صح لسانه
ورحم الله موتانا وموتى المسلمين
دمتم بود ...