1_ الدلخ :
وهذا انسان غبي جدا ويرفع الضغط ...وينرفز الواحد على أقل حاجه يسويها ..
واكثر من يعاني منه المدرسين واهله.
2_ المنسم :
طبعا التسميه راجعه الى تهريب الهوا من راسه .. والسبب في ذلك هو ان في راسه
فتق لذلك تلقاه دايم يغطس راسه في سطل مويه عشان يعرف من وين التنسيم مثل مسز صرقوعه هههههههههه
3_ المهوي :
هو مرحله متاخره من التنسيم والمهوي .. وصل لمرحله متاخره جدا بحيث يفقد اهله
ايضا فإن : الشخر المخر او ابو مشخر هي مصطلحات تطلق لشخص من نفس فصيله المنسم
!
4_ السلنتح :
قليل الادب .. كل شي فيه لا يطاق ولا يمكن تحمله.
5_ جحلط (بتشديد اللام) :
وهم مرحله متقدمه للسلنتح .
6_ مزلب :
يعني بايعها بتراب .. مثلي هههههههههه
7_ مسقح :
يعني طاير في العجه وهو ماعنده ماعند جدتي ..
يعني بالعربي الفصيح من جنب العارضه
مثل عاشق البحيرات خخخخخخخخخخ
8_ الصتيمه [IMG]http://www.hg***.com/vb/images/smilies/eek.gif[/IMG]
وهو الشخص اللي ماعنده ما يدري وين الله قاطنه ..!!..ويصدق اي شي يقال له
9_ المسبه او المسبوه
هو الشخص اللي يكون مروعينه ومخوفينه في صغره .. لدرجه انه يصبح شبه فاقد للعقل
10_ المفهي
هذا الله يخلف عليه .. مهما تقول له او تصارخ عليه تلقاه فاتح فمه وبس ..
واذا كلف عمره وتفاعل معك رد عليك وقال لك: هاه...
11_ الحقنه
هو الشخص الغثيث اللي مايفكك لين تعطيه اللي يبيه منك ومهما تسوي له عشان تصرفه
عن الموضوع حقه ينشب في حلقك لين ياخذ منك اللي يبيه وهذا يفسر قول العرب اغث
من حقنه ..
12_ العله
هذا اللي ماتاخذ انت منه اي شي .. ولا عنده استعداد انه يسمع منك مهما حاولت
وهو كالمرض يعلك لين تنفقع مرارتك منه
13_ العربجي
يظن معظم الناس ان العربجي هو الشخص الشديد حق المشاكل واللي ما يمشي الا وهو
مشخص بنت البكار (اسم لطريقه لبس الشماغ عند العرابجه) وحاط مفاتيحه في سلسله
ولابس نعال سجاديه ويسحبها تسحيب لين جاء يمشي .. ودايم فاتح صدره ورازنه على
فوق وكانك ولد ابوك قله شي بس لكن في الاونه الاخيره ظهرت اشاعات تقول بان
العربجي هو اللي يسوق الحمار اعزكم الله لكن صرح مصدر موثوق من عائله العرابجه
بان هذه اشاعه مغرضه اطلقها عليهم احد الخكاري
14_ المرجوج [IMG]http://www.hg***.com/vb/images/smilies/biggrin.gif[/IMG]
هذا ماعمره صلح في حياته .. مايمديك تفتح فمك الا وطار في العجه بدون مايفهم وش
السالفه
15 _المطفوق
من فصيله المرجوج ..الا ان مايميزه هو انه اذا مر من عند كاس اوجيك او ابريق او
اي شي سايل لازم يكبه ..برجله وهو مايدري ..
لذلك احذر تخليه يصب القهوه لضيوف لانه لازم يكب القهوه على ثوب احد منهم ...!!
16_ السربوت
هذا اللي مايخلي مكان مايروح له .. والاوليين كانوا يطلقوا هاللقب على من يشرب
الدخان لكن الحين الله يخلف الناس تدخن بيدينها ورجلينها وما حد يقول لهم اي شي
17_ السمردي
وهو من فصيله السربوت
18_ الداشر
هذا قليل الادب .. ولا يحب يماشي الا السرابيت اللي زيه
19_ الملكع
اماهذا فيعرف من السكن اللي عايش فيه ..
ومهما تحاول تلف وتدور معه تراه فاهم وش تبي بالضبط فلا تتعب نفسك معه
20_ زعيط
مسوي نفسه يفهم كل شي وهو من جنبها .. اخرطي في اخرطي
21_ المصرقع [IMG]http://www.hg***.com/vb/images/smilies/smile.gif[/IMG]
وهو كل شخص مايهمه شي .. واي شي يطري على باله يسويه على طول
لانه ماخذ الدعوه بوساعة الصدر والهبال
22_ اللزقه
هذا الشخص اللي على طول معك وقدامك ووراك وكل شي ..
وتطلع من الباب تلقاه .. وين ما تروح تشوفه
مسروووووووووق