اولا ياهلا فيك في جدة
وثانيا انته ما حددت اش تبغى ؟ بالضبط ؟
ملابس ولا اواني ولا عطورات وانته تبغى تشتري بالجملة ولا تبغى تشتري مفرق ولكن تدور على سوق الجملة
انا راح اعطيك شرح مبسط
العطورات عندك سوق البدو في البلد وانته في باب شريف اتجه شمال الين يجيك برج الحبيب على يمينك (( برج الحبيب متخصص في الملابس الرجالية وملابس الاطفال وبعض البجامات ))
بعد ماتلاقي المركز في يمينك تطول لحد مايقفل الشارع على حرف تي ويجيك في الوجه شارع جدا ضيق مسار واحد امشي من الشارع الين تلاقي اول دخله يسار هذاك سوق البدو محلات العطورات هناك .
اما الاواني المنزلية تلاقيها في الهنداوية تعدي عمارة ابار وزيني تلاقيها في المنطقة هذيك
اتمنى اكون افدتك واي خدمة حاضرين