هذي قصة وآقعية سمعتها قبل آمس من آعز اخويآي ,, يعني طازج فرش هالسالفة هههههه

اول بحكيكم سالفة خويي على شان تفهموون القصة,,

خويي سآكن بأبها بعد ماكان ساكن بالرياض عندنا ,, وكانت عنده مشآكل عائلية أدت الى طلاق والدته فرجع مع والدته الى أبها ورجعو اخوانه مع ابووه الى أبها ايضا بصفت ان ابها ديرتهم

لكن الولد يدرس في ثآني ثآنوي,, ولا قدر يوقف دراسته بسبب اهمية هالمرحلة,,فدخل مدرسة بقرية قريبه منهم يكمل درآسة فيها حيث ان خاله مدرس في المدرسه ويعرف المدير وشرح له الوضع,,

طبعا والده طرده من البيت بحجة أنه شبيه والدته واشياء اخرى (ولكن العآلم الله ان ابوه فيه مرض نفسي ,, اللهم عآفيه وعآفي مرضانا ومرضى المسلمين,,)
فظل ملفه الدراسي بالرياض
وخلص ثآني ثانوي ولازال الملف في الرياض ,, والمدرسه ماتسمح له بسحب ملفه الا بموافقة ولي آمره,,, ووالده لا يريد رؤيته لدرجة انه طرد من البيت بطريقة بشعه ,,
المهم ,,ضاقت به الدنيا ونفسيته حيث ان مابيده شي وهو يريد الملف ان ينقل من الرياض للابها على شان تدخل شهاداته في الملف على شآن تسهل آموره في دخول الجامعه ويطمح كأي شاب سعودي,,
فكان يسولف علي يقول والله ضاقت علي الدنيا وش الحل ,, قلت والله مافيه الا نرجع لربنا ونكثر من الاستغفآر,,نترك ملذات الدنيا,,, من ترك شي لله عوض الله بشي افضل منه طبعا هو زي اخوي وأكثر الله يجمعنا على خير,,
فكلمني قبل آمس يقول والله من لازمت الاستغفار ان اي شي اريده يجيني بطريقة عجيبه ,, وآحس برآحه نفسيه كبييره(لان تخيل ماعندك والد يصرف عليك وساكن عند خوالك وهم يصرفون عليك ,,مهما كان بتحس انك عبئ عليهم ولا فيه احد يرضى ان يكوون عبئ على غيره)
قلت الحمد الله على كل حآل هذا من فضل ربي ,, قآل تصدق آمس كلمني مدير المدرسه يقول ان فيه شابين دخلو عليه وسلمو له ملفي وقالو احنا اصدقاء فلان وسلمنا عليه ,,
يقول الغريب ان مدرستي في قرية مو في أبها سبحآن الله كيف عرفو ان مدرستي هنا وكيف جآء الملف من الرياض لهالقرية الصغيره ,,

~~~~~~~~~~~~~~~~~~~~~~
هالكلام صار لصديقي شخصيا مو كلام لقيته في النت ,, ,فالحمد الله على كل حآل
آنا ما اقولكم انه مطوع وملتزم لا والله شاب زي باقي شبابنا بس انه لازم الاستغفار على لسآنه والحمد الله يسر عليه الله يسسر عليكم وعلى جميع المسلمين

آطلت عليكم في الكلام,,

ودمتم بخير