المشاركة الأصلية كتبت بواسطة ارخميدس

ياخي ما تنبلع تسوي جمعية عن طريق النت!!!

ياخي افرض انك انت التزمت....غيرك ما بيلتزم وكيف تعرف اذا كان بيلتزم او لا .......وانت ماتعرف عنه الا النك فقط....يعني تخيل انا اخذ الجمعية واسافر لسويسرا والا مدغشقر....وحبيت تبلغ عني .....وتبي تبلغ عني وش تقول للجهات المسؤولة؟؟؟؟تقولهم في واحد اسمه ارخميدس عضو في منتدى البطالة وعدد مشاركات 300 وحاط خروف يناقز في توقيعه ....سرق من فلوس وشرد خارج البلد!!!!!

وش تتوقع ردة فعل اللي رحت تشتكيني عنده؟؟؟؟قسم بالله لا يكفخك الين تدوخ.....!!!!!

بعدين ياخي انت منت نصاب....انت على نياتك وفي اكثر من ثغرة سيء النية يقدر يستغلها ويلهط شقى عمر الغلابة المشاركين وانت بتكون في وجه المدفع.....وذنبهم في رقبتك

ياخوي في اكثر من حل تقدر تسويه وتتجنب جمعية النت لانها فكرة سخيفة جدا....نفرض ان فيه جمعية من 2000 ريال شهريا....شوف اي واحد يدفع 1500 وانت حط 500 من عندك والمبلغ اللي تستلمه تاخذ منه الربع وتعطي شريكك الثلاثة ارباع......هذا افضل من انك تفتح المجال للناس ويتهموك بالنصب