اول شيء احب ابدي اعجابي في تفكيرك التجاري اخوي ابن الهيلا

بس موضوعك هذا بالغت شوي
اول شيء عشان تتضح الفكرة
انت قلت فيه طريقتين
الاولى
انك تاخذ الكراتين من عدة مزارع يعني خلنا نقول
5 مزارع بمعدل 100 كرتون من كل مزرعة
راح يكون 5×100×3(سعر نقل الكرتون الواحد)=1500 يوميا
وهذي فكره جهنميه
رغم اللي اعرفه عندنا بالرياض انه بريال واحد للكرتون في المزارع اللي داخل منطقة الرياض
اما الطريقة الثانية وهي 99% مستحيله
انه اروح واحمل 500 كرتون من مزرعة وحده
يعني راح تاخذ 45000 من هالمرزعة
مقابل بس انك تنقل الخضار من المزرعة لسوق
هل تعتقد اخوي ان فيه مزارع مغفل راح يرضى بهذا الكلام؟؟؟
ياخي انت لو تنتج 500 كرتون يوميا (واتمنى من كل قلبي انك توصل لها واكثر لأنك تستاهل)
هل راح تتعاقد مع شخص بهذا التكلفة؟؟
ياخي اسهلها انا كمزارع اطلع دينا جديدة تقسيط وأجيب سواق خاص لمزرعتي ولا يكلفني هالموضوع بالكثير 4500 شهريا (3000 قسط و 1500 راتب سواق)
واحط الباقي في جيبي
بس حبيت اوضح لبعض الاخواني اللي ممكن يفكر ان الدعوة سهله
نعم البلد فيها خير وفيها فلوس بس مو بالسهوله هذي

تحياتي لك يالغالي