عالم القهوة ..لا هنت يالغالي على المشاركة الايجابية والمتفاءلة جدا جدا
وصراحه اسمع بالمثل اللي يقول تفاءل بالخير تجده ... ولكن اؤمن بمقولة
(توقع الغير متوقع) وانا توجهت بسؤالي عن ..هل المائة ألف مثلا تقيم
المشروع على الأقل بنسبة 75 % ...ام لا ..و انت ما شاء الله رحت تجيب لي
الدخل من المشروع هههههههههههه ...


وجدولك بـ5 مباريات يوميا ...غريب شوي بالنسبة للمنطقة اللي انا فيها

ما اتوقع أنه فيه ملعب واحد راح تقام به 5 مباريات يوميا حتى لو كان الخميس والجمعة
فدائما تكون المباريات واحدة يوميا او ثنتين فقط لا غير ..وكوني ببلدة متوسطة التعداد
فالشباب اللي يلعبون أمس >>يقعدون للأسبوع الجاي ما يلعبون نقصت اللياقة معهم هههههه


وبالنسبة للتوقيت فهو يختلف تماما ..فالصيف تتم المباريات بعد العشاء بوقت
وفي الشتاء اذا ساعد الجو ..تقام المباريات بعد العصر مباشرة ...(مباراة وحدة)
اذا كان ماهم بعطلة رسمية ..وفي العطل الرسمية كالصيف أو رمضان ..

من الفراغ ينظمون دورة كاملة وتعداد الفرق عندنا 6 بتشكيلة اساسية واحتياطية رسمية
ولمدة 20 يوم تقريبا ...


واذا على الحسبة للدخل والشغلات هذي ابي اعطيك حساب واقعي
برؤيتي انا بالنسبة للمكان اللي اقيم فيه

طبعا الملعب الوحيد بالديره للأيجار (ترابي) و سعره يفرق بين تستأجره
مع رش مويه على الارضية لتثبيتها قبل ساعتين من المباراة
ولا تاخذه على ماهو عليه ..يعني بالـ100 و انت طالع شوي


واما اذا الله رزق و تحصل على راس مال بأذن الله ونفذت المشروع
فأنا اعرف المدخول الواقعي والحساب الصافي بعد خصم حقوق الاهلاك والصيانة


مثلا لو بديته بأقرب فرصة من الآن وافتتح بالعطلة الصيفية
فهذي خطة الايرادات المتوقعة للربع السنة الأولى (الموسمية)
شهر 7 و 8 و 9 (هجرية)


قائمة اسعار التأجير واسبابه

مباراة رسمية لساعتين 220 >مغلي السعر بعد لأن اذا المباراة بين فريقين تحدي او من فريق زائر
راج يحصل به حرث للملعب ههههههههههههه و لازم ناخذ حقنا قبل لا تولللع


مباراة توزيعة 6 او 8 لاعبين > 150 ريال سوى المباراة بعد العصر او العشاء

تجارب الأداء والتمارين لأي فريق > 100 ريال للساعة


و لو صار فيه وقت دورة رياضية الأفضل ينحط سعر خاص اول مرة
مثلا انا اقول (900 ريال عن كل فريق مشارك) وطبعا الدورة
تتشكل من 6 فرق وتقام لمدة 20 يوم ..وبعض المرات يصير دورتين
صيفية ورمضانية ..


وبالنسبة لأوقات المباريات طوال العام

الايام المزدهرة (شهر 7 8 9 ) فيها 12 اسبوع (نخصم منهم اسبوعين من بداية رمضان)
وكل اسبوع من الـ10 اسابيع فيه يومين (الخميس والجمعة) مؤكدة فيها المباريات 100%

يعني 20 مباراة رسمية في 2 شهرين ونص بـ 220 ريال (الناتج 4400 ريال)

والاسبوعين اللي خصمنا من العادة يجري دورة رمضانية خلال اول 20 يوم
وقلنا 6 فرق تشارك و حسبنا الاشتراك بـ900 ريال (الناتج 5400 ريال)



والسنة فيها طبعا 48 اسبوع وكل اسبوع به يومين عطلة
ولو سلبنا 12 اسبوع من هالسنة (لأننا حسبنا دخلهم)
يبقى بالسنة 36 أسبوع و فيهم يومين عطلة و طبعا
هالاسابيع اغلبها شتوية ...واللعب فيها ما يكون الا نادرا
بالاسبوعين مباراة عصرية ..وبـ36 اسبوع يجري 18 مباراة
نبي نتفاءل ونقول انها بحساب رسمية بـ220 ريال

(يطلع الناتج 3960 ريال)


وبالحسابات الثلاث اللي هي

تعتبر (الفترة الأولى مستوى جيد جدا) (الصيفية)
تعتبر (الفترة الثانية مستوى ممتاز) (الرمضانية)
تعتبر (الفترة الثالثة مستوى جيد) (الشتوية)

ودخل الفترات الثلاث اللي تشكل عام كامل

(ما يقارب 14 ألف ريال سعودي تقريبا ) خير و نعمة

وراح اقسم الـ14 ألف السنوية على تكاليف الاصلاح والتحسينات
(وعلى فكرة مشروع مايبي عمالة ..السعودة شغالة معي هههه) >انا اشتغل به

طبعا لو قلنا (قسط الصندوق المانح شهريا 500 ريال) = 6000 سنويا تروح للداعم
طبعا لو قلنا (تكاليف الري واسمدة للملعب سنويا ) = 3800 ريال للصيانة
طبعا لو قلنا (تكاليف فواتير الكهرباء وبقية الأصلاحات) + 2600 سنويا

6000 + 3800 + 2600 = 12400 ريال (تروح من الدخل)

الفائض والصافي من الدخل سنويا (1300 ريال فقط لا غير)


طبعا الدخل الشهري المتوقع بحسبتي المتوسطة 1148 ريال كل شهر
(النصف قسط و اعلى من النصف فاتورة واصلاحات وري)

واللي يبقى 115 بمخباي كل شهرررررررر
















عالم القهوة ألحقن بفنجال ابي اصمد به راسي شكلي دخلت

ولا يالله تصبحون على خيرررر