.
.
.
الحين من جدكم تتكلموآ ..؟!!!
الرسالة هذي أذكرهآ كآنت نكتة متدآولة بين الحريم وكنآ نضحك عليهآ
يعني مرة وجعتكم هـ النكتة يآ معشر الرجآل .؟
ليش مآ رآعيتوآ مشآعرنآ لمآ نزلتوآ النكت على السعوديآت
ركبتهآ سودآ ، والفرق بينها وبين الشآمية ... الخ من النكت البايخه
ومع كذآ مآ قلنآ شي ، قلنآ نكتة والسلآم مع انهآ غلط في غلط .
وحطيتوآ هـ الفكرة ببآلكم .. زي اللي يكذب كذبـة ويصدقهآ
والحين مسوين فيها رد على الرسالة .. وانكم مساكين وبريئين واحنا الشريرين

بس إذآ تبغوآ تقلبوهآ جد ، أوكي أنآ أقولكم
الغلط كله من الرجآل .. ودآيم هو يكون المقصر
لأن القوآمـة للرجل ، وإذآ كآن حكيم وعآقل بيقدر يوصل للمرأه مهمآ كآنت المرأه عنيدة
يآ خي حتى لو زوجتك مقصرة بأي شكل من الأشكآل
فيه شي اسمه " مصـآرحـة " تجلس معآهآ وتقول لهآ بطريقة حلوة
يآ بنت النآس هذآ الشي مو عآجبني ، أو أبغى منك تسوي كذآ .. أو أبغآكي تغيري معآملتك
حلو يكون بين الزوجين توآصل ومصآرحة وكل وآحد يقول للثاني إيش يحب يشوف منه
مو ع طول قآل : والله غبية ما تفهم ولآ تعرف تلبس وكشتهآ دآيم طآيرة ، ولو أخذت شآمية أحسن لي .
مسآكين وربي .. تحسبوآ كل الشآميآت زي اللي في التلفزيون ..
والحريم ألاحظهم لو حست ان زوجهآ متغير أو سآحب عليهآ رآحت تكشخت ورزت وجههآ عنده تسأله إشبك متغير ومن هـ الحكي ..؟
عكس الرجآل اللي يكتمهآ في نفسه ومآ تحس الحرمة إلآ وزوجهآ متزوج .
وبعدين كثير من حريم السعودية مدلعين أزوآجهم آخر دلع .. تصحيه ويلقى الفطور جآهز ويرجع من دوآمه وبرضو يلقى الغدآء جآهز حتى لو كانت زوجته موظفة ..
تسمعه الكلآم الحلو وتجرجر منه كلمة حلوة ويآ ريت يقولهآ .. بيتهآ دآيم نظيف وهي نظيفة مرتبة .. ومآ عندهآ هم إلا تسعده ..
أمآ هو إذآ رجع من الدوآم يتغدى وينخمد ، ويصحى وأخلاقه في خشمه ..وإذآ جآت تسولف معآه مآ أعطآهآ أي اهتمام ..
والبعض يخرج لأصحآبه والبعض الثآني يقعد في البيت يغث زوجته بأخلاقه الخآيسة .
لآ وشوفوآ اللي زوجآتهم مدرسآت ، تصرف عليه وتشآركه في مصروف البيت والعيآل وتشتريله سيآرة وأرض وفي النهآية رآح تجوز عليهآ.
وربي مآ عقدني من الزوآج إلا هـ الأشكآل ..
وصدق اللي قال " اللي تبغى الأجر تآخذ سعودي "
لأنه الحرمة مهمآ سوت وسوت وسوت ، برضو مآ يبين في عينهم .


أمآ بالنسبة للي يقول حريم السعودية مترهله ومآ تهتم بشكلهآ ..؟!!
من وين جبت هالكلام .. !!
فهمت من كلامك إنك تقصد الأغلبية .. مو الكل
لكن برضو غلطآن نظرتك كآنت سطحية جدا ظلمت بيها حريم السعودية .
لأن هالفئة صآيرة نآدرة جداً
كل اللي أشوفه حولي وأسمع بيه .. أي وحده تولد تعمل نيو لوك بعد الولادة ومآ ترجع لبيت زوجهآ إلآ وهي مغيرة شكلها من وإلى .. هذا غير الرياضة اللي تسويهآ عشآن ترجع لمثل قبل .
وبعدين لما قلت ان " المرأه عندنآ " إيش قصدك يعني ..
أن كل الحريم اللي في أي مكآن في الكرة الأرضية لمآ يولدوآ تختفوآ بطونهم فجأه وقت ولآدتهم ..
إلا السعودية هي الوحيدة اللي يترهل جسمهآ .!!!
غريب تفكيركم ..
بجد الرجال مآ يملى عينهم إلا الترآب .

خلاص SToP يا عيال السعودية
ضحكتوآ الناس عليكم .. في أي هرجه قلتوآ بنات السعودية فيهم وفيهم
اللي يسمعكم يقول ان كل حريمكم وصخآت .. ومآ يعرفوآ للذوق ولا الأناقة
ودآيم يزعقوآ وأخلاقهم خآيسة

الكل صآر يتكلم عن بنآت السعودية .. وركبهم السودآ وكششهم الطايرة
حتى الزفت ذآك اللي مآ يتسمى اللي اسمه " حضوري "
فشلتونآ الله يفشل العدو من جد الوضع صآر لا يطاق


وربي مآ أحب أتكلم على رجال السعودية أو أسبهم ..
بس انتوآ اللي تجبرونآ بكلامكم اللي نسمعه ونقرآه بكل موضوع وبكل منتدى ..


بجد أحس كلامي ملخبط ، وودي أتكلم أكثر وأكثر
صحيح مو كل الرجال زي مآ قلت .. وربي فيه رجآل والنعم فيهم والله
يسآعد زوجته .. يسمعهآ .. يدلعهآ .. يطبخ معآهآ .. يضحك معآهآ .. يمدحهآ
إذآ شآفها مقصرة .. نبههآ عشآن تنتبه لنفسهآ
إذآ غلطت .. التمس لهآ العذر وسآمحهآ

وبرضو مو كل الحريم مثل ما قلت
فيه حريم نكديآت ، وودك تدوس عليهم من غبآئهم وسطحيتهم
بس هنآ يجي دورك يآ زوج يآ عآقل ..

مآ أقول إلا يآ زين بيت أهلي ..
والله لآ يحدني على عيشة مع زوج بهالمواصفات .
ودي أتكلم وأفضفض أكثر وأكثر بس تعبت