السلام عليكم ورحمة الله وبركاته

شايفيــن يا شبـاب الوظايف الي طالعه هاليومين للشركات المتعاقده مع موبايلي أو المشغلة لموبايلي .. هذولا أتصلوا علي الأسبوع الماضي لوظيفة مسوق ميدانـي وعملوا معاي مقابلة شخصيـة .. وبالظبط شركة قنوات الخليج الدوليـة ..

الوظيفة واللـه يا أخوان كلام فاضي وضحك على الدقـونـ .. تقولون كيف ؟ أقلكم انـا

طبعـا الوظيفة عبـارة عن تسويق شرايـح أسمهـا ( راقي )
شرايخ خاصـة برجال الأعمال بس ..

هالشرايح الي ياخذها من كبار الشخصيات يدفع شهريا 800 ريال ولمدة سنـه
يعني لمن ياخذ الشريحه كنه عمل عقد مع موبايلي لمدة سنه ولا يحق له الإنسحاب إلأ بدفع الشرط الجزائي الي هو 3000 ريال ..
ما علينا من الشريحه او هالباقة او وش مميزتها .. احنا لنـا كيف العمل مع التسويق ..

يقولك لازم كل يوم الصباح تجي توقع وتطلع تلف في شوارع المدينـة .. يعني تدخل على مدير
على نائب مدير .. على اساس تعرض عليه هالباقه الي اسمها راقي ووش مميزاتها ..
الموهم .. يقولون في اول شهر لك بالعمل لازم تبيع أربع شرايح عشان يعطونكـ راتبـك الي هو 3500 ريال ..

الشهر القادم من العمل لازم تبيع 7 شرايح أو اكثر وكل ما تبيع أكثر كل ما يزيد راتبـك إلى حد 9500 ريال ..

الموهم يقولك لو ما بع ــت 7 شرايح وش يصير .. ؟

مثلا بعت 6 شرايح بس .. يقولك ما فيه راتب .. >> طبعا تعبت لين بعتها
مثلا بعت 5 شرايح ما فيه راتب .. >> وهذي بعد تعبت لين بعتها
يعني ما فيه راتب إلا لمن تبيع 7 شرايح واكثر ..

____________________________________

أنا بسألكم باللـه هذي وظيفه هذي ؟ ولا أيش