المشاركة الأصلية كتبت بواسطة الباخص

صج وبالنسبـــة لتكلفة المغسلـــة

انا وصلت معاي تقريبـــآ تكلفة المغسله 140,000 ريــال

المعدات لحالها من غسالات ونشافات وسيـــر لحالها تكلف 70 الف ريــال
اذا تبيها بالتفصيل اسردها لك

غسالة لعشرة كيلو وهذي الاغلى وهذي سعرها 15000 ريال
والنشافة الكبيـــره سعرها 10000 ريال
والبوليـــر(الصخان) بـ 17000ريال
والكوايــة(طبعا في البدايه كواية واحدة) بـ 10500ريال
وغسالتين صغيره ونشافتين صغيره بـ 8000 ريال
والسيــــر بـ 3500 لتعليق الملابس
وتمديد الكهرباء وتسليك المواسير راح يكلفك تقريبــآ من 8000 الى 5000 ريال

والديكـــور طبعا على حسب ترتيبك انا مثلا كلفني الديكور وغرفة تبديل الملابس والكاونتر واللوحه
حاولي 70000 ريال

بس اهم شي الصبـــر
لابد منك ان تصبر على ما الناس تتعود على مغسلتك وتكون لك زباين يعني يبغالك سنتين تقريبا بس تشتغل فيها من دون ما تحصل منها ريال واحد وبعدين تدر عليك الارباح

والله الموفق