احبتي الكرام السلام عليكم ورحمة الله وبركاته اخوكم عضو طازه حبوب وطيب وفي نفس الوقت كمخه كل ما فتح محل ما يمر عليه اسبوع الا المحل للتقبيل لدواعي السفر او غير نشاطه حتى البلديه من كثر ما اغير النشاط . قالو لي تصرف عزيزنا المواطن من عندك ؤوفكنا من وجهك واعطوني اوراق مختومه قالو غير ع راحتك المهم ياحلوين قادني لمنتداكم محرك قوقل وانا ابحث عن اي شيء في قوقل يرشدني الى اي موضوع يخص مغاسل الملابس الا وانا في منتداكم يازينه زيناه استفسارات وعلوم حقيقه ما تاه من استشار المهم اعجبني المنتدى واجلس اقلب اقسامه وحقيقه اكثر ما شدني فيه موضوع للاخ عبدالله حق الصوص والفقاسه < اول مره اسمع ان فيه فقاسه . بس الفكره طنت في الجمجمه والله مير اسمي نكي الديك والله اني من زمان ماني مقتنع اقول كيف مزارع الدواجن تغطي على البشريه اثاري فيه متعاونين والكل يقدر يفقص ويصوص ويبيع بس انا استغرب ان الدجاج والبيض الي يباع يتبع لشركات معروفه . طيب ياعبدالله اجل من تبيع عليه لايكون على المنادي والشاورمه نرجع لموضوع الاساس وهو من قادني لكم الاوهو .. ياشباب قدر الله عليه وفتجت مقهى نت والمحل حلو ودخله عسل بس العذال واهل النصايح يقولون يمكن يدخل في الحرام . وزود على هذا البلديه كل يوم وهم مطلعين لائحه وشروط والله كرهنا حلالنا من تصرفاتهم ... والي يبي يتقبله انا حاضر والله محل روعه ديكورلا وااجهزه مسطحه وتصميم روعه حقيقه مكلف والحين ياشباب المحل ودفعت اجاره حق 6 شهور ~. قلت ياولد الحق واقلبه مغسله كون الشارع ما فيه مغسله وفتحتين مناسبه مغسله بقوه .. ان شاء الله وللمعلوميه اول مره اشتغل في نشاط المغاسل . الحين الله يسلمكم ابي معدات مغسله . مستعمله استعمال حشمه . او جديده بس رخيصه وكم تكلف .. المحل عندي جاهز من ديكور وغيره بس ابي المعدات .. تكفون الفزعه. يانشامى اسال الله ان يرزقني وياكم حلال طيب مبارك