بكالوريوس طب اسنان جامعة الملك سعود

معدل 2.61

سنة التخرج 1424

عروض مستوصفات والراتب زيي زي اي فلبينيه فنيــّــه تنظف اسنان والا تجيب العده

ولا قبلت الشغله ..

طبعاً


معدلي منخفض
اوووكي ما اعارض اي شخص ينتقد

وانخفاض المعدل راجع لاهمالي ، لكن كلمني بالمنطق يالحبيب

انسان درس سنه تحضيريه انجلش
وبعدين ترم علوم صحيه ( فيزيا احيا ... إلــخ .. والشله كلها )

يعني درس 6 سنوات دراسيــّــة وسنه امتيــاز وطبق تخصصه بكل حماس .

لكن فيه نسبة من دفعتي وبعدي وقبلي تخرجوا بأقل من المعدل هذا

والحين ماشا الله

العسكري والحرس ويمين يسار ورواتب من الـ 15 وفوق


واو واو واو >>> مهيب واو حقت الدلع هذي

لا هذي واو الفيتامين ( و ) واسطه ياجدي انت

ايه ايه ايه البنات واجد والرزق على الله ..

وعهد علي اتوظف من هنا واعرس من هنا ..



طبعا من بعد ما تخرجت بست شهور صرت ادخل نت واجد والحين تعلمت برمجه تعليم ذاتي

يمكن اقل امكانيه من المتخصصين بهالمجال ويمكن ويمكن ويمكن بس احسن من لاشيء

وعندي دخل خاص نوعا ما ابشارك وافصح فيه بهالمنتدى لاحقا بحيث افيد اخواني وبرضو خواتي العاطلين والعاطلات عن العمل بحيث يستفيدون من وقتهم على الاقل بخبره لك شخصياً مهوب لازم للشركة الفلانيه او المنظومه الفلانيه

انت \ انتي : تستفيدون احيانا وغالباً ماديا و ايضا عمليا وفكرياً

طولت عليكم

سلام