أسعد الله أوقاتكم جميعا
عندي فكرة حلوة وبسيطة للعاطلين
وهي أنهم يغيرون مسار حياتهم 100%
وكل عشر أشخاص يبدون بمشروع
ويرتبون أمورهم على هالأساس
وبداية المشروع 5000 ريال من كل واحد فيهم جمعية
5000 * 10 = 50 ألف ريال
ويشوفو ن كل حي شنو ناقصة
مطعم ميني ماركت سوق شعبي صغير مكتب عقاري صالون ملعب عشبي
ملعب أطفال ومطعم خضروات لحوم دواجن حية
خياط ألف شي وشي موموجود
تمرون قصور الأفراح وتشوفون كم راس غنم لازمهم وهذي بس تسألون منو
مأجر القصر هالأسبوع وتوصلون روس للبيت والمطابخ
سواء غنم غزلان حمــــــــــــام بطـــــ
وعادي لو تأجرون مزرعة لهاالغرض
ومصنع ملابس صغير ( مشغل خياطة وتوزيع)
إنترنت للشباب 24 ساعة
حديقة غير امسورة مع كشكات ومشويات سواء تشترون الأرض أو تأجرونها
ورش
مجلة اعلانات وهذي توزعونها مجانا والربح من قيمة الإعلانات
شركة تصدير شركة شحن بري شركة ليموزين وتأجرون السيارة والسايق ع البيوت والشركات
لتوصيل الموظفات شركة حراسة للبنوكــ والأسواق والشركات وسيدات الاعمال
شركة مطاعم مدرسية توفرون الوجبة اليومية للمدارس والثانويات بنات وبنين والتحصيل
من مندوبكم
شركة تنسيق أعراس وحفلات وتحجزون عنهم كل شي بدال لايحجزون بروحهم
طقاقات دي جي بوفيهات فرقة قصور قهوة فطاير حلويات تصوير إضاءة كل شي كروت 00000
شركة توصيل طلبات منزلية سواء من جمعيات صيدليات أسواق وخضرة وسمكــ كله
شركة باصات عمال
ترى شركة مو قصدي مليون متر لو محل واتسمونه شركة لأنكم شركاء 
وترصدون الأرباح وتوزعونها شهريا 
وكل يوم الإدارة لواحد أو أثنين
5000 ريال مبلغ جيد
واللي عنده أكثر أو أقل كل مجموعة يساهمون بمبلغ بالتساوي 
هذا استثمار حلو
وهاويات التصميم مع بعض لأنه المشاغل ممكن تنفذ لهم
بس حطواا ببالكم مكان المشروع وإعلاناته
وهواة التصميم تيشيرتات غريبة دشاديش سبور مسابيح أبواكــ كفرات جوال
هالشي بيطلع المواهب
ويخليكم توظفون هواياتكم
لأنه الواحد ينطر ثلاث إسنين وثمان إسنين
لو مستغلهم بجمعية ومشروع كان صار إستثماري من الدرجة الأولى
بعصاميتة ولاقصورن فيكم ويوظف عنده اللي يبي الوظيفة
ويحكي بداياته ويفتخر فيها
وتكون درس من أجمل دروس المستثمرين
والله اللي توظفوااا وقتهم مجبور بتسديد القروض بقروض
وبعضهم يداوم عشان هالشي يعني آخر الشهر الراتب للقرض والأقساط
وعايش ع الصبر ومولاقي مخرج
لكن العاطل أغلب شي ماعنده هالإلتزامات ولو عنده تكون أبسط من قروض الموظف
وإن شالله الموضوع يلاقي استحسانكم