السجون وما ادراك ما السجون قصة طويلة عريضة العلم سلامتكم نبدأ بعلم الله ما شين من مكة يم الرياض 130 ريال الى حي النسيم طبعا ركبت مع كداد وما شاء الله يمشي مشي الويل بعدها وصلت الرياض الساعة 12 استاجرت شقة قصدي غرفة انا وخويي بـ 50 ريال 24 ساعة في حي النسيم شارع النخيل والله هالشارع مرة طيب رخيص جدا المهم بغيت ارقد واخذ لي غفوة لكن تعرفون قلقان وخايف من الكرش من هالمالكي بعدها جات الساعة 4 وانا باقي ما نمت احاول ما فيه فايدة قلت خلوها صباحي وانتظرت الى الساعة 8 انا وخوي طبعا مشينا ركبنا مشوار بـ 15 دقدقة على المقر حق التسجيل بعدها وصلنا هناك وذبحنا البرد الله يلعن الرياض وبرده انتظرنا كثير صراحة الين فتحوا الباب طبعا انا رحت يوم الاحد 23/1 والله اعتقد اللي موجودين ذاك الوقت اكثر من 200 نفر المهم اللي يبغى يعرفني وجاء نفس موعدي انا ابو فنيلة صفراااااااااء وسروال اسود ههههههههه ترون ماني اتحادي نصراوي ولكن احن على الاتحاد وجمهوره المهم قعدنا جالسين يمكن 2ساعة ( بنقالي ) فعلا يا اخوان طولنا والله كثييييييييير قلت اكيد العلم طيب وجاء اللي على البال جمعان المالكي تصدقون هو طيب لكن من الضغط صار معفن المهم قال وقفوا كلكم وقفنا كلنا وكل ما مر على واحد اللي بطوله او اطول منه قال على جنب يعني يروح اول شيء صراحة هو ممكن اختار فوق 50 نفر وبعدها جاء دوري واختارني يا اخوان انا اطول منه قولوا ما شاء الله المهم صفينا سرا زي الشحاذين اللي يقدمون على القصور وقاعد يقول لنا اللي ما جاب صورة لبطاقة الاحوال والصورة الشخصية او صورة الشهادة على قنب بردو بعدها انا الحمد لله اخذت احتياطي وجبت الصورة وصورت الشهادة والبطاقة لاني اصلا ما طلبوا الا الاصل لكن اخذت احتياط والحمدلله بعدين دخلونا جوه ويوم دخلنا جلسونا على الكراسي وانتظرنا شوي واخذ بطاقات الاحوال وقعد يطبق ورجعها لنا وبعدين اعطانا اقرار توقعوا ايش اللي في الاقرار كاتبين اقر انا مدري وشو انه لا اطالب بالالتحاق بالدوره 14 1/3/1431 وانني من ضمن المطالبين بالالتحاق بالدورة 15 وستكون الادورة خلال عام 1432 قطعهم ربي لو دريت من البداية ما جيت لكن هو النحس وبعدها اعطونا ورقة فيها طلب معلومات اروح للاحوال واختمها من هناك واعطونا بوك لونه احمر وفيه عيال اخذوا بوك لونه اخضر هذا البوك في كل المعلومات الخاصة بي وابوي والشيخ وكلام كثير المهم قالوا اذا خلصتم الاوراق هذي تجونا يوم 5/4 وتكملون الباقي بعدها طلعنا من البوابة وركبت مشوار ورجعت الشقة انا وخويي وبعدها مشينا على الطايف ونزلنا مكة والحمدلل ه هذا علمنا وسلامتكم بعد هالخراط كله تكفون ابسئلكم سؤال ؟ وش بعد ما اعبئي هالاوراق من الاحوال ومن كل شيئ واروح لهم 5/4 ايش بيصير يعني تكفون علمولي ؟ يالله مع الالسلالمة
