السلا م عليكم ورحمة الله وبركاته
الحمد الله على سلامة الوصل طبعاً دوبي واصل من الباص على النت وهي اول واخر مره اطلع في باص و الله
كأني راكب على جمل مسافة طويييييييييييله. المهم وما يهم اخبار طبعا قديمه خويي قبلوه واعطوه موعد ليوم
12/4 وخلوه يوقع إن دورة 1/3 مايطلبهم بدخولها وإن الدورة حقته في سنة 1432 هـ هذا من ناحيه
و بصراحه انا تفأجات لما شفت الأمه تصدقون كأني في الجمرات في منى يا كثرهم الي موعدهم قدام جو اليوم
والأيام الي قبل كذا نفس الحال محد جاء في موعده وتشوف التكاسي شغاله كأنك في النفره
وبصراحه ماقدرت اخش جوه وأسئل لانهم صاكين الابواب ومايدخلون إلا ألي بلبس رياضي لأنه في ناس
مدري وين عقولهم جاين بثياب لا وبعد بنت البكار المهم جلست انتضر قلت بأجلس لين يروحون والله
جلست إلين الساعه 11 وهم باقين كل شوي يدخلون مجموعه .. وشوي قابلت عاطل القصيم
والله هو عرفني وسأليني انت مجبور على طول ضحكت وقعت اسولف وياه مشألله عليه إنسان خلوق
وشفت إن جلستي مافيه فايده واروح الفندق وخويي قيده وصل وأنا مدري والله وهي على مكه
المهم الي إتصلو عليهم على قولت الرجال الي شهادتهم غير الثانويه العامه يصدقونها
والدورة مكتوب عندهم إنها في 1/3 هذا ماحصل بلتفصيل