هذي الرسالة تقولك ان سيرتك الشخصية وصلتهم و تشكرك على اهتمامك بأنك تتوظف عندهم و انهم في موقعهم كاتبين الوظائف الشاغرة في المملكة و في حالة ما لقيت وظيفة تناسبك تقدر تسجل عندهم من خلال رابط بحيث يراسلونك على ايميلك في حالة توفر أي وظائف جديدة..
أنا جتني نفس الرسالة بعد ما جتني رسالة الرفض المحبطة.
مكتوب To view the latest vacancies in KSA, please click here
معناه : لرؤية الوظائف الأخيرة الشاغرة في المملكة العربية السعودية, اضغط هنا
و للوظائف الأخرى خارج المملكة تزور موقعهم www.mtccareers.com
و علشان تسجل عندهم و يرسلون لك ايميل في حالة توفر وظائف جديدة شاغرة بعد ما تروح لقسم الوظائف في السعودية راح تلقى علي يمينك في آخر الصفحة (فوق خيارات طبع الصفحة وارسالها بالإيميل )
عبارة
Set up email *****s
اضغط عليها و سجل معلوماتك ..إذا ظهرت لك عبارة User already exists
معناه أنك سجلت مسبقا عندهم.
بالتوفيق أخواني..الله ييسر أموركم يا رب
و نصيحة أخت كبيرة ..إذا تقدرون ادخلوا دورة لغة انجليزية حتى لو ما ليقتوا وظيفة حاليا..راح تفيدكم
لأنفسكم أولا و لأنها أصبحت ضرورة من الضروريات.
حتى أنا ودي أحسن لغتي لكن ما أبغى أحد يصرف علي..أحس إني كبرت على إني أطلب شئ من أحد حتى لو كان أبوي
الله يعينكم يا الشباب..والله إني أحاتي أخواني من الحين و هم بعدهم ما تخرجوا