السلآم عليكم شلونكم؟؟ ترراني اتآآبعكم من زمآن ( يعني من اسبوعين ) وسجلت من فترة بس توهم تذكررو ينشطو عضويتي < مآ علينآ امس كآنت حلقة من حلقات (الحياة كلمة ) لشيخ سلمآن العودة < يآ أنآ احترم ذا الأنسآن احترآم لآ يوصف وكآنت الحلقة تتكلم عن (الأحترام ) وكلمة ورا كلمة وحديث يجر حديث كلم الشيخ سلمان عن الغرب ..وذكر امثله لأحترامهم ومآعندهم هذآ وزير او هذآ امير وقت النظآم و القانون الكل متسآوي < ايه عيوني وش على بالك .؟؟ وكآن من الأمثله اللي ضربهآ عن وزير برتغالي قدم استقالته لأنه استخدم مكآنته الأجتمآعية عشآن يتوسط لوحده و الظاهر انها بنته عشان تدخل كلية الطب وطبعا لأن الأعلآم عندهم (حٌر) فكتبو اليوم الثاني على اساس ان فعلته فضيحه وتسيب وأستخدآم مكآنته بشكل خآطئ و أخيرا قدم استقالته . وقمت انا مشكوررة ودورت في النت ولقيت ان في بعض الدول الأروبية ان الوزير لو مر على توليه المنصب سنتين ومآ صنع اي شي يفيد الشعب....يشيلونه من منصبه وينتخبون احد غيره < إيه مآعندهم وقت للعب ومآعندهم وقت حق عزآيمو استراحآت < و الدقة لك يا جارة واحنا وزراء يجلسون بالسنين و السنين وأنتي يآ(*******) مآ تغيرتي < حذف من قبل الرقابة وذي قصيدة كتبهآ شآعر اسمه (نآيف بن عرويل) بهذي المنآسبة الكريمة الشقاء عذب قلوب الناس واسـرف فـي ألمهـا والدموع الي على اوجـان الفقـارى مستهانـة يستشفـون السعـادة والامانـي مـن عدمهـا والضمير الي حكولـه ماتحـرك مـن مكانـة دوروا حل المشاكـل والمشاكـل وش رسمهـا غير تغييب الضمير وغيـر تضييـع الامانـة مشكلتنـا فالبطالـة قالهـا الــي مافهمـهـا لا وربـي الـي خلقنـا مشكلتنـا فالبطـانـة بالقصـور وبالتغاضـي والتهـاون نتهمـهـا من طيوف الشعـب كلـه يستحقـون الادانـة ناس عاشت فـالنعيم وربـي بفضلـه كرمهـا بالوسايط والرشـاوي وصلـوا ذيـك المكانـة غيبوا شمس الحقيقـة وابدلونـا فـي وهمهـا وصارت احلام السعادة في عيون النـاس دانـة قل حال الناس زاد وقـام ينهـش فـي لحمهـا ومجلس الشورى يناقش كيف تخفيف الاعانـة والاعانة وش تسوي وش تسوي لـو خصمهـا لو خصمها وش تسوي افهمو يا اهـل الفطانـة يا الـي تحـط المبـادي والمبـادي تحترمهـا اسئلـك بالله ليـه الضلـم هــذا والخيـانـة ياخي ناضر فـالألوف الي جنابـك يستلمهـا ليش مايخصم معاشك او على فلوسك حصانة!!؟ حط حيلك فالضعوف وصد عينك عـن قممهـا وانت تاكل وآنا آكل واترك السـارق وشانـه قاعده عمت علينا خاب حـض الـي نضمهـا وخاب حض الي تبعها وارتضى درب اللعانـة ذي بلدنا ذي بلدنـا كيـف بيدينـا نهدمهـا؟؟ كيف نرضى بالفساد وكيف نرضى بالأهانـة؟ اشتكـوا خـل الحقيقـة ترفـع يديكـم علمهـا زلزلوا من عاث فيهـا زلزلـوا كامـل كيانـه والأمـل بعـد الله بليـثٍ تولاهـا وحكمـهـا ذاك ابو متعب عسى الله ينصرة ويعـز شانـه قالـه الـي مابدتلـه كلمـة الحـق وكتمـهـا شاعر ٍ لأصعب قضايـا امتـه سخـر لسانـه وانا داري هالقصيدة الف واحـد مـا هضمهـا لكـن الباقـيـن قـالـوا الله يسـلـم بنـانـة مشكلتنـا فالبطانـة مشكلتنـا فــي قيمـهـا بـس ماهـو كلبوهـم فيـه قـلـة للأمـانـة ومن يقول بغير ذالك الـه نضـرة واحترمهـا المهم الي بقولـه صـار واضـح فـي بيانـه والمشاعر لو تخير كـان هجـت مـن قلمهـا وكان ماقالـت قصيـدة فالحريـم وفالبطانـة ترآ عنده مشكلة بين حرف (ظ +ض) < مآ يفرق بينهم كله وآحد ع العموم أن شآء الله من بكرة بيصير الحكم جمهوري < تراني اقصد الوزآرآت جد والله ليه مآ تصوتون على انه يشلعون بعض الوزرآء اللي تحنطو وهم على منآصبهم وتطآلبو بتعيين غيررهم (مثلي وشروآي يعني ) وبهذي المنآسبة احب اقولكم وين راحت الميزآنية شفتو هذآ وانا باقي مآ صررت وزيررة وعلمتكم وين هي الميزآنية ..اجل لا صرت وزيرة وش بسوي ..؟ عآد بتقولون وش تبي ذي بالضبط؟؟ بقولكم كذآآ مآ ابي شي...بس بكتب موضوع ..يآنآس بكيفي الـّه ودمتم سآلمين